De ahao o Yesusu ai hitiari ma demo wahidumutu onangika abe yodadi o Yahudi ma nyawa manga hohidimono. De Una wahitiari wato, “De ngini abe nitobadoto-dotoko o Musa ai Paretaino de nginioo abe o Farisi manga doomuino, ahao ti ngini nia hohowono duru kohadubuho niamake nginika! Angamoi ngini ka nimadokangelukino dika abe niato niwileleani Ma Jouika masara ko niagou-goungua niwileleani. De gea ma titi nia wowangoino de ngini niata-tatoko o nyawa abe tanu yoigo yodadi Ma Jou ai nyawa abe ahao wahikoano onangika. Ho ngini ma hirete nimatatoko la ufa nidadi to Una ai nyawa, de hongoli o nyawa utuika niata-tatoko genangino. Ho duru nia datoro gea itorou!”
Lukasa 5:33 - Ma Jou ai Demo-demo o Totobelohoka33 De ma moiukuoli naga o nyawa iwileha moi o Yesusika. De ona iwileha ato, “Ona gea abe iwinii-niiki o Yohanese Wotobaohi-ohikika ona ma ngoe yopuaha de yomaniata, de hokogenangoo ona abe o Farisi ma nyawa yanii-niiki ma ngoe yopuaha de yomaniata. Ho gea adodoa ho to Ngona ani nyawa ikuranga yopuaha ma ka uku dika yolo-olomo de yokere?” အခန်းကိုကြည့်ပါ။ |
Lukasa 5:33
20 ပူးပေါင်းရင်းမြစ်များ
De ona gea yarusi o ngo-ngofekaika abe yofao la yaora onangino manga tau ka ma moi de manga kiahonanga. De gea yodiaioka yofao-faoika de ahao o nyawa manga hima-himangoka de yomaniata ma dekanino la ato manga totiai yahimatoko o nyawaika. Ho gea Ngohi tato ona abe yotobadoto-dotoko o Musa ai Paretaino ahao to onangohi manga hohowono duru ilamoko.” Hokogea o Yesusu wahitiari yowoe-woeika abe ma titi ona abe yotobadoto-dotoko o Musa ai Paretaino.
De o wange moiukuoli de o Yesusu de iwinii-niiki naga o ngi moioka de Una womaniata. De womaniata ipaha de womatengo iwinii-niikino woboa de wogahoko Unangika wato, “Mia Baluhu, ngomi migahoko la Ngona nomidotoko abe hokokia itiai mimaniata, abe imaketero hoka o Yohanesoli naa ma duru wadotokoka iwinii-niikika.”
De ona gea o ngo-ngofeka abe yofao yarusi abe yaora onangino manga tau de manga kiahonangoo. De gea barikua yodiaioka yofao-faoika de ipahaino ahao o nyawa manga hima-himangoka de yomaniata ma dekanoka la ato manga totiai yahimatoko o nyawa utuika. Ho gea Ngohi tato ona abe yotobadoto-dotoko o Musa ai Paretaino ahao ka to onangohi manga hohowono duru ikiria.” Hokogea o Yesusu wahitiari ona mata-mataika.
De gea ma titi ho hiadono Ngohi naa toboa, abe ko ma titiua toboaino la tahoko ona gea abe manga wowango itotiaioka. Masara ona abe nagahi de manga howonokahi Ma Jouika, ona gea Ngohi tahoko la ahao ka idadi manga datoro ma dorou yanoaika de yaniikoli ma totiaiika.” Hokogea o Yesusu wapaluhu onangika angamoi o Farisi ma nyawa de ona abe yotobadoto-dotoko o Musa ai Paretaino ona gea ato bote to ona manga wowango itotiaioka Ma Jou ai himangoka.
De o Yesusu ma oraha wapaluhu onangika de womahiketero abe ma titi Una ma hirete de ona iwinii-niiki. Ho gea wapaluhu onangika wato, “Hokokia to ngone nanga biaha nako womatengo woilaka? Abe nako o gogilaka ma rame-rameoka de naga ai dutu-dutu de ai dodiawo, de una woila-ilaka nagahi, sarakia, ma oraha gea mode ona gea manga hininga ihuha ho hiadono yopuaha? Koua. Nako una gea abe woila-ilaka nagahi, ko idadiuahi yopuaha masara kiani manga hininga de ma garagoka.
De nanga Baluhu wato, “Ngona noikohi ma kota ma ngekomika doka abe ihiromanga ato ma ngekomo yorikotika. De genangoka ahao namake o Yudasa ai tau. Ho noikohi o Yudasa ai tauika de nogahoko la ka idadi nitutumu abe genangoka naga o Saulusu abe una o Tarasuusu ma kotaka ma nyawa. Abe una gea ma oraha naa naga womaniata Ngohino.
ကြော်ငြာတွေ