Lukasa 5:16 - Ma Jou ai Demo-demo o Totobelohoka

¹⁶ Masara o Yesusu ma ngoe womatingaka o nyawaka de aino o tonaka ma kakaahaika la ka idadi womatengoka dika womaniata genangoka.

Lukasa 5:16 ပူးပေါင်းရင်းမြစ်များ

Matiusu 14:23

De o nyawa ko manga ngoe gea wahulokoka de Una woiki o lokuiye wodoa la wato womaniatohi. De ahao ifufutuku de o Yesusu Una ka womatengokahi o lokuokahi.

Maruku 6:46

De ona ato, “Iya, marai ngomi milio.” Gea ipaha de ahao woiki o lokuiye wodoa la wato womaniatohi.

Lukasa 3:21

De abe ma oraha o Yohanese ko iwitaokuahi ho ka watobaohi-ohikohi o nyawa ko manga ngoeika, de naga ma wange abe o Yesusu woboaino de Unangoo wiohiki. De o Yesusu wiohiki ibootino de ahao womaniata. De womaniata ai gogiriaka de o Horoga ifelenga.

Lukasa 6:12

De ipahainoli de o Yesusu woiki wodoa o loku moiiye la dakenangoka womaniata. De Una ka iwihidetebiniye abe ko wotogu-togumua womaniata Ma Jouiye.

Lukasa 9:28

De o Yesusu wahingahu gea mata-mata onangika de ahao ngade-ngade o wange tufange ipahaika de o Yesusu wodoa o lokuiye la womaniata dakenangoka. De Una wahoko o Peturusu de o Yakobusu de o Yohanese la ona yomakiniiki yodoa daku o lokuiye.

Lukasa 9:29

De o Yesusu womaniata ai gogiriaka de ka itodokanino ai himanga imaturuuruoka ho idadi o fara moioli, de ai pakeanga gea idadi duru iarehoka hiadono hoiletongo.

Yohanese 6:15

De ona yomahikagaro, ato, “Ibootohi hodamaa. Ho naa ma oraha adonoka abe ka idadi hiao la hihidadi nanga koano!” Ho ka de wohioriki manga hininga gea, de o Yesusu womadohuku onangino de woiki womatengo dika o lokuikali.