Lukasa 5:1 - Ma Jou ai Demo-demo o Totobelohoka

¹ De o wange moiukuoli o Yesusu naga o Genesarete ma akere ma ngooto ma ngigorino, abe ma ngooto gea naga ma romanga hinooto, de abe moioli ma romanga o Galilea ma akere ma ngooto. De Una naga ma ngigorino wahingahu-ngahu Ma Jou ai Demo-demo o nyawa yowoe-woeika. Masara ona iwihideefotino la ka idadi yotoihene ai demoino.

Lukasa 5:1 ပူးပေါင်းရင်းမြစ်များ

Gegetongo 34:11

De o Sefamoka de igila-gilaiye o Ribila ma ngioka abe imanoa o Aini ma daaniha. De genangoka de igila-gila akaiyeoli de imakiniiki o Galilea ma ngooto ma ngigorino abe o wange ma hiwaroko idateke.

Matiusu 11:12

“De abe ma oraha o Yohanese womulaenge wahingahu-ngahu de watobaohi-ohiki o nyawa ka hiadono ma oraha naa, de naga o nyawa abe yapake manga hininga ma dorou abe duru ihitaili de manga buturungu ma gahumu la yalawana Ma Jou ai hingahuika gea. Angamoi manga hininga ma dorouino gea ho duru ko yoigoua la o nyawa iwingaku Ma Jouika de hiadono yodadi to Una ai nyawa abe wahikoano onangika. Ho o nyawa ma dorou gea duru yototualono ho duru iwilawana Ma Jouika.”

Matiusu 14:34

De ipahaino yomahiadonikaka o ngooto ma honongaika de youti o Genesarete ma kapongiha.

Maruku 3:9

Masara angamoi ona duru ko manga ngoe ho yomahidutukino o Yesusino, ho gea hiadono wahuloko iwinii-niikika wato, “O ngotiri nihihidiai la kalioli ihihideefotino.”

Maruku 4:1

De ipahaino de o Yesusu ma moioli o nyawa wadotoko o Galilea ma akere ma ngooto ma datekoka. De duru ka yowoeokaholi yomatoomuino ho o Yesusu womaturuuru o ngotiroko de wogogeruku o ngotiroka gea la wadotoko onangika. De abe o nyawa yowoe-woe yomafafoino genangoka, ona ka o dudungoka dika de iwihigihene Unangika.

Maruku 5:24

Ho o Yairusu wotemo hokogea de o Yesusu ka winiiki unangika. Winiiki unangika masara o nyawa ko manga ngoe iwiniiki o Yesusu, de ona duru yomahiefotika Unangika.

Maruku 6:53

Ho yomahihora de yomahiadono ma ngigorika abe o Genesarete ma kapongoka, de manga ngotiri ihilikoika ma dudungoka.

Lukasa 12:1

De ma oraha gea ona abe yoboa o Yesusino duru yodogo-dogo hiadono duru yosana, ho ona gea yomakodoko manga louuku angamoi yomahideefotinoholi. De Una womulaenge wotemo iwinii-niikika de wahitiari wato, “Ngini kiani nihidodiai o Farisi ma nyawa manga hininga abe gea tohiromanga to ona manga ragi, angamoi done manga hininga gea imahora nginika de inihirehene genangino. Abe ahi demo gea ma titi kiani nihidodiai ma titi to ona gea manga hininga angamoi ona yomadokangeluku dika ato yomahinganono Ma Jouika masara tanu ko Unangikaua manga hininga itagi. Ho iti ufa ngini nimaaduru abe hoka onangoli manga hininga.

Lukasa 5:2

De Una wamake naga doka ma dowongioka o ngotiri hinooto ma homoa angamoi ma nyawa yanoaikahi la manga homa yatebinohi.

Lukasa 8:22

De o wange moiukuoli o Yesusu de abe iwinii-niiki yofare-fareniye o ngotiri moioka de Una wotemo onangika wato, “Abeika ngone hoiki homahihora doka o ngooto ma honongaika gea.” De ahao ona yosoboka.

Lukasa 8:23

De manga dodagi ma goronaka de Una iwikiooko. De abe ai giooko ma gogiriaka de ka itodokanino yadarato ho italoko kohabuturungu o akere ma ngootoka gea ma goronaka. De ma lulu naga ma ago-agomo hiadono yabarene manga ngotiruku de ngade-ngade yahidowooro, ho ona manga bodito yaohana.

Lukasa 8:33

Ho ma tokata gea ikokihupuoka ma nauru ai badangino de yokokibarene o odeikali. Masara ka de o toka-tokata yokokibarenoka o odeika gea de o ode imapopaata o bakoruku de imakokingumo o akere ma ngootuku hiadono akokilutuoka.

Lukasa 8:45

De gea masoika de o Yesusu womadogilioro de woleha o nyawa-nyawaika gea wato, “Ka onagona ihiso?” Masara o nyawa ko moiua yomangaku abe iwiso Unangika. De ahao o Peturusu wotemo wato, “Abeika ona ko manga ngoe yomahiefotika Ngonaika, ho done sarakia ani leleha ma demo gea?”

Yohanese 1:40

Ona yahinooto gea o Yesusu iwiniiki angamoi o Yohanese wahingahuokau, wato o Yesusu Ma Jou ai huhuba ma domba abe ka o ngofakohi. De abe yahinootoino gea, naga womatengo ai romanga o Andareasa, una gea o Peturusu ai dodoto. O Peturusu una gea abe ai romanga hinooto, ho moi ai romanga o Simono.

Yohanese 6:1

De gea ipahaino de o Yesusu de ona iwinii-niiki yomahihora o Galilea ma akere ma ngooto ma honongaika, abe ma ngooto gea naga ma romanga moioli o Tiberia ma akere ma ngooto. De ma oraha gea o nyawa duru ko manga ngoe iwiniiki o Yesusu. De gea yoigo iwiniiki angamoi yamake o heheranga wodiai o nyawa yopopanyakeika.

Higalioli 3:17

De nagali o Yorodani ma akere ma dola mata-mataika abe dau o Galilea ma akere ma ngootoka ka hiadono daku o Hone-honenge ma gahiye. De ma tonaka gea ma batingi abe o wange ma dumunoko idateke gea o Yorodani ma akere. De ma batingi abe o wange ma hiwariha idateke, gea o Pisaga ma loku ma timiuku. Ho ma tonaka genangoo tahidoaka nanga gogianongoruika abe yomahidutu o Rubene de o Gaadika.”

Ibarani 13:7

De ngini kiani niangano-nganono ona ma dihiraino abe yodadioka ti ngini nia doomu ma hihira, abe ona gea inidotokoka Ma Jou ai Demo-demo nginika. De gea ka idadi nimahihohininga ma titi to ona manga wowango ma hofoko ma rorahai nginioka abe ka hiadono yohonenge, la ngini nimaaduru nia ngongakuoka abe hoka to onangoli manga ngongaku Unangika ma dihiraino.