Lukasa 4:5 - Ma Jou ai Demo-demo o Totobelohoka

⁵ De ahao o Ibilihi ma haeke iwiao o ngi moiiye abe duru kohagurutiye, de genangoka iwihimatoko o Yesusika o tonaka homoi-homoiika o dunia ma amokika abe ona yomahiparetaka, la gea mata-mata ka ma moi ka idadi wakokimake.

Lukasa 4:5 ပူးပေါင်းရင်းမြစ်များ

Matiusu 24:14

“De o Abari ma Rorahai abe ma titi hokokia ahao Ma Jou wahikoano ai nyawa, ma abari gea ahao ahi nyawa ihiabari o dunia ma amokika la o nyawa abe o dutu homoi-homoiino ka idadi yoihene. De nako hiadono o dutu mata-mata yoihenoka, gea de ahao ma oraha adonoka o dunia ma bobaha.”

Matiusu 4:8

De o Yerusaleeme ma kotaka de yosobo de o Ibilihi ma haeke iwiaoli o loku moi ma tubuiye abe duru kohagurutiye. De ma tubuoka gea iwihimatoko o Yesusika o tonaka homoi-homoiika o dunia ma amokika abe de ma kokuahaka. De ihidaere Unangika ma titi o kota amomoi ma rupa ma hohailoa la ato iwihihafini o Yesusika la gea wohafini o kota-kota gea ma kuahaika.

1 Korintusu 15:52

De gea duru itaiti nanga badanga waturuuru, abe imaketero hoka ma oraha nanga lako hatawi ma moi dika de ka aiaho. De gea idadi ahao ma oraha Ma Jou ai guguli awuwu abe gea duru ihibobaha awuwu. Abe ka de ma guguli gea awuwu de abe ona iwingaku-ngakuoka masara ona gea yohonengoka, ona gea yohira Ma Jou wahimomiki manga honengino. De ma oraha gea manga badanga waturuuru de o badanga moioli gea abe ko ihone-honengokaua. De abe ngone ka howangohi, ngoneoo ma nanga badanga Ma Jou waturuuru. Ho ngone mata-mataika hingaku-ngakuoka, ngaro hohonengoka eko ngaro ka howangohi, ma, ngone nanga badanga mata-mataika ahao Ma Jou wakokituruuru ma oraha gea.

1 Korintusu 7:31

De ngaro nginioka onagona dika niapake-pake o dunia naa ma kiahonanga, ma ufa niodosanangiholi enangika, angamoi ko enangua abe itongohono ka hiado-adonika. Masara ma dunia ma rupa abe ma oraha naa hamake, gea ko itedekanokaua de aturuuruoka ma rupa.

2 Korintusu 4:17

De to ngomi mia kangela ma dodubuho abe ma oraha naa miaohana, gea tanu ka idadi mihiromanga enangika ma goguwini dika angamoi ma kangela gea ka jai-jai dika de ipahaka. De nako mihidotelega mia kangela abe ma oraha naa miaohana de mia utumu duru kohaamoko abe ahao miamake Unangino, gea mia kangela ngade-ngade ko kia-kiaua. Angamoi mia kangelaino gea de ihihofoko o medebini ma dararono kohaamoko abe Una ahao womihidoaka ngomino. De ahao mia dararono gea itongohono ka hiado-adonika.

Efesusu 2:2

De ngini ma oraha gea nia wowango ma goronaka de gea nimaaduru dika abe hoka o dunia ma nyawa utu yowango manga howo-howono ma goronaka. De gea ngini nianiiki dika o Ibilihi ma haeke ma hininga, abe ena gea hohiromanga hato daku ma hoanino ma hidimono ikokurutiye ena gea. De o toka-tokata ma haeke gea ena abe ma oraha naa ka ikarajaangohi o nyawa manga hiningaka la ona duru yoluku iwihingounu Ma Jouika ho hiadono yahowo-howono Unangika.

Efesusu 6:12

Angamoi igoungu ngone naa tanu ko haparangiua o nyawaika, masara ngone haparangika abe o toka-tokata ma dorou irupa-rupa. Abe utu o tokata abe to ena ma kuaha de ma gogere hatoli ikurutiye. De utu o tokata ma hidimono de ma kuahaka abe ihipareta o fufutu o duniauku naa, de utuoli o tokata ma dorou abe imanoa daku ma hoanino.