Lukasa 4:42 - Ma Jou ai Demo-demo o Totobelohoka

⁴² De ma dawangeino abe o wange ko ipotokauahi de o Yesusu ma kotaka de wosobo woiki o tonaka ma kakaahaika abe ko iwa o nyawa genangoka. De ko iwitedekanuahi de o nyawa duru ko manga ngoe iwilingiri. De ipahaino iwimakeoka de duru yogaho-gahoko Unangika la ato ufa wanoaika ma kiani womagoo-gogere onangoka dika.

Lukasa 4:42 ပူးပေါင်းရင်းမြစ်များ

Maruku 1:45

Masara o nyawa gea ka de wohupu de waade-adeoka o nyawaika. Ho ai ade-ade gea wohikabarihoka hiadono o Yesusu ko idadiokaua wowohama o kapo-kapongika done o nyawa ko manga ngoe iwihideefotino. Ho kiani womahidodogumu ma hoa-hoanoka abe ko iwa o nyawa genangoka. Ma ngaro o Yesusu womatingakika hokogea ma ka ihikaika nagahi o nyawa o kia-kiaino dika yoboaino Unangino.

Lukasa 24:29

Masara ona duru iwihigaro Unangika ato, “Ngomi duru migahoko la naangoka dika nomanoa de de ngomi o futu naa, angamoi naa o bobimaowaka de itigioka ifufutu.” Ho Una womodeke de wowohamika la womanoa onangoka.

Lukasa 6:12

De ipahainoli de o Yesusu woiki wodoa o loku moiiye la dakenangoka womaniata. De Una ka iwihidetebiniye abe ko wotogu-togumua womaniata Ma Jouiye.

Yohanese 4:34

Ho angamoi yomakokeleha hokogea, o Yesusu wahingahu onangika wato, “To Ngohi ahi inomo, gea ahi hingounu to Una ai mauika abe wohihidingotino. Abe naga o karajaanga wohihidoaka Ngohino de kiani gea tabootokahi, ho ahi karajaanga gea to Ngohi ahi inomo.” Hokogea o Yesusu wahitararono ona iwitobanii-niikika.

Yohanese 4:40

Ho ka de o Samaria ma nyawa gea yoboa o Yesusino de duru yogahoko la iwitumungu genangoka, ato, “Mia Baluhu, nenangoka minitumungohi, wahiohi nogila-gila.” Ho o Yesusu womahidodogumohi onangoka o futu hinooto ai dekana onangoka.