Lukasa 4:24 - Ma Jou ai Demo-demo o Totobelohoka

²⁴ De ahao Una watemo onangika wato, “Masara naa duru tagou-goungu tinihingahu nginika tato abe Ma Jou ai uru ma dodofanga, o nyawa o kia-kiaka dika ma naga manga horomati onangika gea. Masara nako to ona manga nyawa abe yomahikapongo moi de de una, ona dika ko iwa manga horomati ai uru ma dodofangika gea.”

Lukasa 4:24 ပူးပေါင်းရင်းမြစ်များ

Matiusu 13:57

De ona iwihininga kuranga Unangika de hiadono iwioluku. De o Yesusu wotemo onangika wato, “Ti ngini nia hininga Ngohino ko toherangua. Angamoi ngaro Ma Jou ai uru ma dodofanga utuoli, masara o nyawa o kia-kiaka dika naga manga horomati onangika. Masara nako to ona manga nyawa abe yomahikapongo moi de de una, gea ona ko iwa manga horomati onangika. De ngaro manga dutuoo eko manga tauoka, ma onangoo ko iwa manga horomati Ma Jou ai uru ma dodofangika gea. Ho Ngohi duru ko toherangua abe ngini ahi kapongoka naa de ko iwa nia horomati Ngohino.” Hokogea o Yesusu ai dodaere ma demo onangika.

Yohanese 4:41

De ma oraha gea de naga manga ngoe yototoihene o Yesusu ai demoino ho yodogoli yowoe abe iwingaku Unangika.

Yohanese 4:44

De genangika ai tonakika woiki angamoi ma dihira Una ma hirete wotemoka, wato, “Abe nako naga womatengo Ma Jou ai uru ma dodofanga de to una ai nyawa abe yomahikapongo moi de de una, ona gea ko iwa manga horomati unangika.”

Hidingoto 22:3

De o Paulusu womahingahu onangika wato, “Ngohi naa o Yahudi ma nyawa abe tomaboa o Tarasuusu ma kotaka o Kilikia ma tonakoka. De ipahaino de tolamoko de tohakola naa o Yerusaleeme ma kotaka, abe nanga baluhu o Gamaliele wohidotoko ngohino. De to una ai himangoka de tomadotoko la hokokia taniiki to ngone o Yahudioka nanga pareta de nanga hirahi, de gea duru tohidodiai taniiki mata-mataika. De ino ino de ngohi duru de ahi hininga ma gahumu toigo la ahi wowango ma datorino de ahi horomati itagi ka Ma Jouika dika. De genangino de ngohi tomaketero dika hoka nginioli naa angamoi tinihioriki abe ngini mata-mata nioigo niwihoromati Unangika dika nia wowangoino.