Lukasa 4:13 - Ma Jou ai Demo-demo o Totobelohoka

¹³ De hokogea o Ibilihi ma haeke iwitaili o Yesusika. Ho iwitaili ibooto de ahao iwinoaika de isoboka. De ena ka yododamaa dika de imalingi-lingiri o ngekomo o kiali apake la ka idadi ma moioli iwitaili Unangika.

Lukasa 4:13 ပူးပေါင်းရင်းမြစ်များ

Matiusu 4:11

De gea ahao o Ibilihi ma haeke iwinoaika ho isoboka. De naga Ma Jou ai momalaekata yoboa Unangino la iwiduhunu o Yesusu ma ngioka gea.

Lukasa 4:12

De o Yesusu wopaluhu enangika wato, “Koua, ko tomangumoua, angamoi nagali ihitulihukuoka Ma Jou ai Demo-demoka o hitiari naa abe itemo ato, ‘Ngini ufa niwitaili nia Baluhu idodutu Ma Jouika.’”

Lukasa 4:14

De ipahaino de o Yesusu wolio o Galilea ma tonakika, de Ma Jou o Womaha ai kuaha duru iwihihira-hira Unangika. De ahao ma nyawa genangoka duru yomaketeade-ade ma titi to Una ai datoro wodiaioka hiadono ona mata-mata ma tonakoka gea iwihioriki ma titi Una.

Yohanese 14:30

Ho naa Ngohi ko itedekanokaua de ko tinihitararonokaua abe hokonaa tinihitararono angamoi ena gea abe o dunia yapareta itigioka iboa nginika, ma ena gea ko idadiua ihipareta Ngohino.

Ibarani 4:15

De to ngone nanga Hidemo wokokurutiye Ma Jouika, Una gea ka idadi duru wonahioriki abe to ngone nanga hininga ma buturungu ka ikurangohi. Angamoi Unangoo ma dihiraino de iwihiata-atara ma ngoe, de abe o hiatara mata-mataika inadaene ngone o nyawaino, enangoo gea mata-mata iwidaenoka Unangika. Masara ngaro hokogea iwihiata-atara Unangika, masara Una duru ko wahowonua.

Yakobusu 4:7

Ho naa ngini kiani naga nia hingounu ka Ma Jouika dika nia hiningaka. Masara nako o Ibilihi ma haeke gea kiani nialawana enangika la gea ahao iloara nginioka de aino ho ko iniruwaeokaua.