Lukasa 3:9 - Ma Jou ai Demo-demo o Totobelohoka

⁹ “De gea igoungu abe Ma Jou ai hohowono o nyawaika, ena gea wohidiaioka la ko itedekanokaua de wahohowono o nyawaika abe ko yotobaua. De gea ka idadi tohiketero abe womatengo womahidiaioka la ai gota watolanga ma titi ma gota gea duru ko ihihofokua ma hofoko ma rorahai. Ho una gea ai bahuku wagorakoka ho duru itigioka abe ai gota gea watolanga dau ma roehino la ahao waumo o uku ma goronaika. De ngini naa nimaketero abe hoka to una ai gota, ho ngini onagona dika abe nia wowangoka de ko nihihofokua de ma rorahaiino, gea itigioka nia hohowono niaohana.” Hokogea o Yohanese ai dodaere ma demo onangika.

Lukasa 3:9 ပူးပေါင်းရင်းမြစ်များ

Matiusu 3:10

“De gea igoungu abe Ma Jou ai hohowono o nyawaika, ena gea wohidiaioka ho ko itedekanokaua de wahohowono o nyawa abe ko yotobaua. De gea ka idadi tohiketero abe womatengo womahidiaioka la ai gota watolanga ma titi ko iwa to ena ma hofoko irahai. Ho una gea ai bahuku wagoraka ho gea duru itigioka abe ai gota watolanga dau ma lifunino de gea ahao waumo o uku ma goronaika. Ho nginioli naa nimaketero abe hoka to una ai gota, ho ngini onagona dika abe ko iwa nia wowango ma hofoko irahai, gea itigioka niamake nia hohowono nginika.”

Matiusu 7:19

De o gota o kia dika ko ihihofokua ma rorahai, ma gota ma dutu gea watolanga de waumo o ukuika gea la youkuoka dika.

Lukasa 13:6

De ahao o Yesusu wahiketero o Yahudi ma nyawa de o gogilioro ma gota, abe Una wahiketero wato, “Naga womatengo abe wodatomoka o gogilioro ma gota o utu moi to una ai angguru ma redioka. De ipahaino de una ma ngoe woboaino watutumu ma gogilioro ma gotaika angamoi woigo wamake to ena ma hofoko. Masara ma hohutuloo de ko wamakeua ma hofoko genangino.

Lukasa 13:7

Ho una wotemo ai duduhunika abe wotobagoana ai redi gea wato, ‘Naa o taongo hangeino tatutumu ahi datomo naa angamoi tododamaa ma gogilioro ma hofoko, masara moioo de ko tamakeuahi. Ho kiani natolangoka dika, angamoi naa ka parahaja dika ma tonaka ma rahai de ko ihofo-hofokua.’”

Lukasa 13:9

De nako o taongo dokenali ihofoko, gea irahai. Masara nako ko ihofokuahi, gea de ahao ka idadi hatolangoka dika.’” Hokogea o Yesusu ai hiketero abe woade-ade onangika.

Yohanese 15:6

Ho o nyawa abe ko yogoanua manga gogere Ngohioka, ona ka idadi tahiketero de o gota ma jaga abe ko iwa ma hasili ho o nyawa manga biaha ato ma gota gea aumo dika. Yaumoika hiadono imaai de ahao atoomuino de aumo o ukuika ho youkuoka ma jaga-jaga gea ma titi ko iwa ma hasili.”

Ibarani 10:28

De gea igoungu abe nako Ma Jou ai behehongika o nyawa yaoluku, ona gea ahao kiani manga hohowono yadaene. Abe ngaro ai behehongo ihira-hiraika ekola ngaro ai behehongo ma hungioli, masara ahao naga manga hohowono onangika abe yaoluku enangika. Angamoi abeika hohidifikiri ma behehongo ma hira de ma behehongo abe ngone haniiki ma oraha naa. Abe ma dodihiraino ma oraha o Musa de nako naga o nyawa abe wongelo o Musa ai Paretaika de duru woluku waniiki ma Paretaika, una gea ko iwihiapongua masara iwihohonenge dika, abe iti naga o hakihii ma nyawa yahinooto eko yofoloi abe iwihitaana ai howonika gea. De nako genangoo ma dubuho ma hohowono nako gea ka to Musa ai Paretaino dika yoluku yaniiki,

Ibarani 12:29

Angamoi duru igoungu abe nako ma oraha nanga Jou wahohowono o nyawaika de ai hohowono gea imaketero hoka o uku moi duru kohaamoko abe yahibinaaha mata-mataika abe adaene enangika. Ho gea hiadono tonahigaro tato irahai ngone naa hasoino Ma Jou ai hininga ma owa ngoneino.