Lukasa 3:6 - Ma Jou ai Demo-demo o Totobelohoka

⁶ De ma oraha nihitiaioka to Una ai ngekomo de ahao o nyawa mata-mata ka idadi yamake Ma Jou ai duduhunu iboaino.’” De hokogea o Yesaya ai demo ma dodihiraino abe to ena ma dumutu o Yohanesika, angamoi o Yohanese ai hininga ma dumutu la wahidiai o nyawa manga hininga la ona ahao iwidafongo Ma Jouika.

Lukasa 3:6 ပူးပေါင်းရင်းမြစ်များ

Yesaya 40:5

De abe ma oraha niwihidiaioka ai ngekomo de ipahaino ahao Ma Jou o Yawe womahimatoko to Una ai medebini ma dararono la o nyawa mata-mata ka yomataimakeika. De gea ahao kiani idadi angamoi gea abe Ma Jou o Yawe wotemoka!’”

Yesaya 49:6

De naa Una Ma Jou o Yawe wotemo Ngohino wato, “Igoungu tonihitagongo la o Isiraele ma nyawa nahigilio la ona yokokilio Ngohino, masara ka genangua dika ani tagongo tonihidoaka. Abe nagali tonihitagongo la nodadi hoka o hilo ma dararono abe nahitararono ma gou-goungu o dunia ma nyawa mata-mataika, la ngaro o nyawa yomanoa o tonaka kohagurutika masara mata-mata ihioriki abe Ngohi ka idadi taduhunu ona manga howo-howonino.”

Maruku 16:15

De wataere ibooto de ahao onangika wahibehehongo wato, “Ngini naa kiani niloiki o dunia ma amokika de niahingahu-ngahu o Abari ma Rorahai naa o nyawa mata-mataika.

Roma 10:12

Ho ma demoino gea de ka idadi hohioriki abe ngaro o Yahudi ma nyawa eko abe ko o Yahudi ma nyawaua, masara ko homakohowonua Ma Jou ai himangoka, angamoi ngaro onagona dika iwingaku Unangika de ona gea Ma Jou wadafongo de waetongo yomaketero dika Unangoka. De Una gea to ngone mata-mata nanga Baluhu idodutu, abe ngaro onagona dika yomagahoko Unangiye la waduhunu, masara gea ona mata-mataika duru waduhunu de wahiowa onangika de o hiowa kohangoe.

Roma 10:18

De abeika naa tonaleha. Angamoi ngone hohiorikoka abe ma hingahu ma demo itagioka ma titi o Kristusu. De hohiorikoo abe gea ena dika o nyawa yoperelu yotoihene enangika la ahao naga manga ngongaku. Ho done ma titi o kia hiadono o Yahudi ma nyawa ko manga ngoe ko yangakuahi o Kristusu ai demoika? Bote ona ko yoihenuahi ma titi Una eko sarakia? Masara kangano ngone hamake abe ona o Yahudi ma nyawa ona gea yoihenoka. De hongoli ngone ka idadi hohioriki abe ona gea yoihenoka angamoi naga ma hingahu moi Ma Jou ai Demo-demoka abe itemo ato, “Ona abe yotobahingahu-ngahu ma titi Ma Jou, ona gea to ona manga ilingi itagioka o dunia ma amokika, de to ona manga demo-demo abe ihingahu-ngahuoka, gea ko iwaka ma ngi o duniaka naa abe manga demo ko adonikaua genangika.” Hokogea ma dodihiraino itemo to Una ai Demo-demoka. Ho ma demoino gea de itararono abe o Yahudi ma nyawa yoihenoka abe ma hingahu ma demo ma titi o Kristusu. De mangale yoihenoka ho ngone hohioriki abe ona ko idadiokaua yomahiliba-liba ato, “Ou, ko moiua inahingahu ngoneino to Una ai abari, ho done sarakia de hangaku enangika?” Duru ko idadiokaua ona ihititi genangoka!