Lukasa 3:12 - Ma Jou ai Demo-demo o Totobelohoka

¹² De o nyawa abe yotobagaho-gahoko o pajaka ma tiwi onangoo yoboa o Yohanesino la ato waohiki onangika de yomaleha ato, “Mia guru, ngomi naa koaho o kia midiai?”

Lukasa 3:12 ပူးပေါင်းရင်းမြစ်များ

Matiusu 5:46

“Ho gea Ngohi tato nako ngini naa nia dora ko itagiua nia musuika masara itagi ka onangika dika abe inidora nginika, gea done o kiaka ma utumu niamake Ma Jouino? De gea nia utumu ko niamakeua angamoi genangino de nia hininga ko imakiniikua de to Unangoli ai hininga. De ti ngini nia hininga gea tanu imakiniiki de to ona manga hininga abe o pajaka ma tiwi yotobagaho-gahoko, abe ona gea ngini duru niadohata onangika. Angamoi ona gea ka idadi yomakodora de manga dodiawo dika, masara nako utuika marai manga dora ko itagiua.”

Lukasa 18:13

“Masara una wotobagaho-gahoko o pajaka ma tiwi, to una ai hininga imakohowono. Abe una womatingaka hatoli ma gurutika de ma oraha womaniata de ko iwimoroinua womamatagaiye o Horogaiye ma titi womahioriki ai howono Ma Jouika. De una womapoha-poha ai aluoko la womahimatoko ai hininga ma huha de wotemo wato, ‘Ahi Jou, duru togahoko la ani dora ma hiokoo itagi ngohino naa, angamoi ngohi o tobahowo-howono ma nyawa!’ Hokogea una womaniata.”

Lukasa 3:10

De ahao o nyawa manga ngoe yomaleha o Yohanesika ato, “Ho ngomi naa koaho o kia midiai la ufa mia hohowono imidaene ngomiuku?”

Lukasa 3:13

De una wopaluhu wato, “Ngini naa iti ufa niarusi o nyawaika. Abe hokokia dika ma amoko ma tiwi abe o Roma ma popareta inihuloko la ato niale o nyawaino, hokogea dika ma amoko niale. Ho ufa ma boloi niahuloko inihidoaka la genangino nimahitingini.”

Lukasa 7:29

De o Yesusu wogila-gila wotemo wato, “De o nyawa yowoe-woe abe yotoihene o Yohanese ai demoino gea, ona yokokidafongo ai demo. Abe ngaro utu onangino o nyawa abe yotobagaho-gahoko o pajaka ma tiwi de hiadono yatobarusi o nyawaika, ma onangoo ai demo yodafongo de yomangaku abe Ma Jou ai totiai ma ngekomo gea duru itiai. De ona gea abe ai demo yodafongo de o Yohanese waohikoka onangika.

Hidingoto 2:37

De o Peturusu ai demo ona mata-mata yoihene de duru manga hininga ikokihuhaka, ho yotemo unangika de ai dodiawo o hidingoto ma nyawa utuikaoo ato, “Ho ngomi naa koaho o kia midiai?”