Lukasa 24:6 - Ma Jou ai Demo-demo o Totobelohoka

⁶ Una ko iwiwa naangoka, angamoi iwihimomikoka ai honengino! Abeika nimahohiningahi to Una ai demo ma oraha ngini de Una nagahi o Galilea ma tonakoka.

Lukasa 24:6 ပူးပေါင်းရင်းမြစ်များ

Matiusu 12:40

Abe ma dodihiraino o Yunusu una o nawoko kohaamoko iwilahiroka ho una naga o nawoko ma pokoroka ai dekana ai futu hangeino. De ai futu hange ibooto de ahao iwihihupuoli ai ngango. De hokogenangoo Ngohi o Nyawa ma Ngofaka abe toboa o Horogaka de tauku ahao ahi futu hange dika o tonaka ma goronaka de ahao Ngohi towangoli ahi honengino.”

Matiusu 16:21

De abe ma oraha gea de imahikaino de o Yesusu ma ngoe wahingahu iwinii-niikika abe hokokia ahao idadi Unangika. De gea Una wahingahu onangika wato kiani o Yerusaleeme ma kotaika woiki de genangoka ahao o Yahudi ma nyawa manga balu-baluhu iwihikangela Unangika. Abe to ona manga hidemo Ma Jouiye abe yokokurutiye de abe ona yotobadoto-dotoko o Musa ai Paretaino de manga hibaluhu utuoli naga, masara ona mata-mata ahao iwihikangela de hiadono iwitoma Una. Masara Una wahingahuoo onangika wato ai wange hange dika de womomikoka ai honengino.

Matiusu 27:63

De ona yotemo ato, “Mia gubernuuru, ngomi miongano-nganono wotobaelu-eluku gea o Yesusu ai demo moi abe ko wohonenguahi de womahingahu wato, ‘De ngaro tohonengoka masara o wange hange dika ipahaika de tomomikokali.’ Hokogea Una womahingahu.

Matiusu 28:6

Masara Una ko iwiwaka ai dingiioka naa, angamoi womomikoka ai honengino! De gea idadi duru imaketero abe hoka ma dihiraino de winihingahuokau. Abeika ai dingii naa o kiaka iwikelengauku ai honenge.”

Maruku 16:6

Masara una wotemo onangika wato, “Ufa nihawana angamoi ngohi tohiorikoka ngini niwilingiri o Yesusu o Nasarete ma nyawa, abe Una gea iwihohonengoka o gota isosalioainoka. Niwilingiri naangoka masara Una gea womomikoka! Abeika ai dingii o kiaka iwikelengauku, Una ko iwiwa nenangoka.

Maruku 8:31

De ma oraha gea o Yesusu womulaenge womahingahu abe womahitararono iwinii-niikika wato, “Ngohi naa o Nyawa ma Ngofaka, hokogea ihiromanga angamoi o Horogaka de tauku toboa masara o nyawaino tomaboa. De kiani ahao ihihikangela ma ngoe Ngohino, de hiadono ngone o Yahudi ma nyawa nanga dimo-dimono, de ona abe yodadi nanga hidemo ma nyawa Ma Jouiye manga hohidimono, de ona abe yotobadoto-dotoko o Musa ai Paretaino, ona mata-mata ahao ihikokioluku. De gea ihioluku hiadono ahao ihitoma, masara o wange hangeino dika de ka tomomikokali.”

Lukasa 24:34

Masara ona iwitobanii-niiki yohira yotemo yahinootoika ato, “Nanga Baluhu idodutu wagou-goungu womomikoka ai honengino! Angamoi Una womahimatokoka nanga dodiawo naa o Simonika!”

Lukasa 24:5

De ma ngo-ngofeka gea duru yamodongo onangika ho ka yomamotumuku manga himangoka ka hiadono manga himanga yodaharuku dau ma tonakuku. De ma nauru yahinooto yotemo ato, “Adodoa ho ngini niwilingiri womatengo abe wowango-wango naa o hone-honenge ma ngioka?

Lukasa 9:22

De o Yesusu wogila-gila wotemo iwitobanii-niikika wato, “Duru tagou-goungu tinihingahu moi nginika. Abe Ngohi naa o Nyawa ma Ngofaka abe o Horogaka de tauku toboa masara o nyawaino tomaboa. De ngaro Ngohi o Horogaino toboa, masara ahao kiani o kokangela ma ngoe taohana. De abe nanga hohidimono de nanga hidemo ma nyawa Ma Jouiye abe yokokurutiye, de ona abe yotobadoto-dotoko o Musa ai Paretaino, ona mata-mata ahao ihikokioluku Ngohi. De ipaha ihitoma, masara ahao o wange hange ipahaikahi de Ngohi ihihimomikokali ahi honengino.”

Lukasa 9:44

“Ahi hingahu ma demo naa nginika kiani niagogono nia borihiningaka de ufa niawohanga enangika. Ahao Ngohi o Nyawa ma Ngofaka ihihidoaka o nyawa utuikali la ahao ona gea ihitaoko de ihiurusu.”

Hidingoto 2:24

De ngaro hokogea Ma Jou ai hidee ai Ngofakika masara ipahaino de wihihupu o hone-honenge ma kangelaino abe ma oraha wihimomiki ai honengino. Angamoi tanu o hone-honenge ma kuaha ko apoaua iwitumungu o Yesusu.

2 Tesalonika 2:5

Abeika nimahohiningahi. De mode gea ahi demo ngini niawohangoka abe ma oraha ngohi nginiokahi abe tinidotoko ma demo gea?