Lukasa 24:52 - Ma Jou ai Demo-demo o Totobelohoka

⁵² De gea yamake abe Una iwigorakiye ho yomahuba-huba o Yesusika. De yomahuba ibooto de yolio o Yerusaleemika, de manga kokihiningaka duru aomangoka de manga garago.

Lukasa 24:52 ပူးပေါင်းရင်းမြစ်များ

Matiusu 28:17

Ho ona yomahiadonoka genangika de yomakamake de o Yesusu, ho yomahuba-huba Unangika. De barikua yomahuba Unangika ma naga utu onangino abe ka ikurangohi yongaku abe Una wagou-goungu womomikoka!

Matiusu 28:9

De manga dodagi ma gogiriakahi de ka itodokanino de yomakamake de o Yesusu. De Una wotemo wato, “Ho duru nisanangioka dika!” De ona yomahitigi Unangika de yatilabukuku la ka idadi iwiso ai louika de yomahuba-huba Unangika.

Lukasa 24:51

De wahiowa ai gogiriakahi de wanoaika abe iwigoraka daku o Horogaiye.

Lukasa 24:53

De gea o wange-wangeiye ona yoiki Ma Jou ai Tauika angamoi duru ka ihikaika iwihigiriiri Ma Jouika genangoka.

Yohanese 14:28

“Ho ufa niawohanga gea kangano tinihingahuoka, abe tato ngaro naa etoiki ma ahao toboali nginino. Ma, naa ko nisanangiua ho marai ko nihidoraua angamoi nako nihidora tanu duru nisanangi abe Ngohi naa toiki ahi Babaiye. Una ma hirete wohigorakiye de ka idadi Unangika tinigahoko utuohi ma rorahai angamoi nako Ngohi de o Baba, ka Unangohi wokurutiye.

Yohanese 16:22

De imaketero hokogea idadi nginioka abe naa ma oraha nginioo nia hininga duru ihuha masara ahao homakamakeokali de duru nia hininga akokilufungoka de o garago. De gea ko moiua ka idadi apoa iniora nia garago gea.

Yohanese 16:7

Masara naa tagou-goungu tinihingahu, ka de tininoa de gea tinihiowa abe ahao utuohi nia utumu angamoi nako Ngohi ko toikua Una tihiromanga o Duduhunu, Una gea Ma Jou o Womaha, ko woboaua nginiuku. Ma gea toiki la Unangoli ka idadi tihidingoto nginiuku.”

Yohanese 20:28

De o Tomasa wipaluhu o Yesusika wato, “To ngohi ahi Baluhu de to ngohi ahi Jou!”

Hidingoto 1:12

De abe ma oraha o Yesusu wogoraka de ona naga o Saitunu ma lokuoka. Ho abe wogoraka ipahaino de iwinii-niiki ona yokokilio yotagi-tagi o Yerusaleeme ma kotaika, abe manga dodagi gea ngade-ngade o kilo moi ma gurutino dika yotagi, ko ikurutikaua.

1 Peturusu 1:8

De igoungu abe ma oraha naa de ngini ko niwimakeuahi de nia lako o Yesusu Kristusu angamoi ko womahimatokuahi. De masara abe ngaro ko ma moiuahi niwimake ma ngini niwidora Unangika. De ngini niwingakuoo Unangika ngaro ngini ko niwimakeuahi. De ngini naa ngaro ko niwimakeuahi Unangika masara ngini duru nimorene de nia gogarago kohaamoko, abe ka hiadono ngini ko niakunua nimahingahu abe hokokia ma amoko nia gogarago gea nia hiningaka.