Lukasa 24:50 - Ma Jou ai Demo-demo o Totobelohoka

⁵⁰ De ipahainoli de o Yesusu wao ona abe iwinii-niiki la yohupu ma kotaino gea de yoiki o Betania ma kapongika. De genangoka ai giama wagorakiye de wagahoko ma owa onangika.

Lukasa 24:50 ပူးပေါင်းရင်းမြစ်များ

Dodadi 27:4

O luadana natomaka de ahao ngona nohihakai ahi inomo ma rahai abe duru nohiorikokau ena gea duru taolomo. Ho gea nohihakai ibooto de ahi inomo gea nohidotakino la ka idadi taolomo. Hokogea de ahao ahi hininga la tosanangi tonihiowa de ani oara ma behehongo.”

Dodadi 49:28

Hokogea o Yakubu wahiowa ai ngofa-ngofaka yangimoi de yahinootoika de o hiowa ma demo abe duru imakataana de ona homoi-homoiika. De gea wohioriki itigioka wohonenge de wapake manga oara ma behehongo ma demo abe wahitaana onangika la wahingahu homoi-homoiika abe hokokia idadi onangika abe ma oraha manga totoforauku ahao yolape-lapeuku. De ona yangimoi de yahinooto homoi-homoiika ahao yodadi o Isiraele ma nyawa manga dutu.

Matiusu 21:17

De wapaluhu ibooto de o Yesusu wanoaika de wohupu ma kotaino gea de wolio o Betania ma kapongika de genangoka womaidu.

Maruku 10:16

Hokogea wotemo ipaha de ahao o ngofa-ngofaka watoomuino wakokikooino de wakokifokumu de gea wagahoko ma owa Ma Jouino.

Maruku 11:1

De ipaha de o Yesusu de ona yomakokutuono yoiki de de Una ngade-ngade yomahiadono o Yerusaleeme ma kotaika. Abe gea yomahiadonoka o Saitunu ma lokuika, de genangoka naga o Betefage ma kapongo de o Betania ma kapongo abe imahikitigino. Ho gea o Saitunu ma lokuoka de o Yesusu wairiki yahinooto iwinii-niikino de wahidingoto doka ma kapongika.

Lukasa 24:51

De wahiowa ai gogiriakahi de wanoaika abe iwigoraka daku o Horogaiye.

Hidingoto 1:12

De abe ma oraha o Yesusu wogoraka de ona naga o Saitunu ma lokuoka. Ho abe wogoraka ipahaino de iwinii-niiki ona yokokilio yotagi-tagi o Yerusaleeme ma kotaika, abe manga dodagi gea ngade-ngade o kilo moi ma gurutino dika yotagi, ko ikurutikaua.

Hidingoto 1:9

De hokogea wahibehehongo ibooto de abe ka iwilega-legahi de ahao iwigoraka daku o Horogaiye ho wongohama o lobi moi ma goronaiye ho ka aiaho, ko iwimakeokaua.

1 Timotiusu 2:8

Ho naa ngohi tinihibehehongo la nimatoomuino ma getongo abe nimahuba-huba Ma Jouika de kiani o nau-nauru o balu-baluhu yomaniata Ma Jouiye. Masara gea kiani ma nauru abe manga wowango ma datoro imakiniiki de Ma Jou ai mau. Ona gea ko idadiua naga o ngamo eko o kadatoro manga wowangoka. Ho nako to ona manga wowango itebini Ma Jou ai himangoka, gea de ahao ka idadi manga giama yagorakiye de yomaniata Ma Jouiye.