Lukasa 24:5 - Ma Jou ai Demo-demo o Totobelohoka

⁵ De ma ngo-ngofeka gea duru yamodongo onangika ho ka yomamotumuku manga himangoka ka hiadono manga himanga yodaharuku dau ma tonakuku. De ma nauru yahinooto yotemo ato, “Adodoa ho ngini niwilingiri womatengo abe wowango-wango naa o hone-honenge ma ngioka?

Lukasa 24:5 ပူးပေါင်းရင်းမြစ်များ

Lukasa 1:29

De o ngo Maria duru imitodokana de hoka ikuranga mataoko itiai ma titi o malaekata ai demo gea.

Lukasa 24:4

De manga hiningaka yolilifangoka, masara ka itodokanino naga o nyawa yahinooto yomaokoino manga datekoka de manga baju duru iareheholi hiadono yahidotararono onangika.

Lukasa 24:6

Una ko iwiwa naangoka, angamoi iwihimomikoka ai honengino! Abeika nimahohiningahi to Una ai demo ma oraha ngini de Una nagahi o Galilea ma tonakoka.

Hidingoto 2:24

De ngaro hokogea Ma Jou ai hidee ai Ngofakika masara ipahaino de wihihupu o hone-honenge ma kangelaino abe ma oraha wihimomiki ai honengino. Angamoi tanu o hone-honenge ma kuaha ko apoaua iwitumungu o Yesusu.

Ibarani 7:8

De naga ma titi moioli abe iwihitaana o Mekisedekika abe ai gogere gea ka to unangohi ikurutiye. Abe nako ngone o Isiraeloka nanga hidemo Ma Jouika abe ona yatobamake o hidoku moi ngone homoi-homoiino, ona gea ka ma dodihirainohi de ka yohonenge. Masara nako o Mekisedeke una hokogenangua, angamoi ngaro unangoo wamake o hidoku moi, masara Ma Jou ai Demo-demo inahingahuoka abe una gea ka wowangohi.

Himatoko 1:18

De Ngohi naa totobawango. Abe Ngohi nengokadau tohonengoka masara abeika Ngohi naa towangokali naa de ka hiado-adonika! De Ngohioka naga o hohonenge ma kuaha, de gea Ngohi tahikoano onangika abe yohone-honengoka, la nako ona ihihononga yohonenge ekola Ngohi tahimomiki manga honengino, ma gea ma kuaha Ngohioka.”

Himatoko 2:8

De ahao Una gea wohihulokoli wato, “Naa ngona nohitulihuku ahi demo naa abe o Semirna ma gareja manga malaekatikali, la unangoli ka idadi wadofanga ahi demo abe o gareja ma nyawaika. Notulihi nato, ‘Naa to Ngohi ahi demo nginika. Ngohi naa abe ko kia-kiauahi idadi de Ngohi nagau, de Ngohi duru ko iwa ahi bobaha. De Ngohi nengokadau tohonengoka masara naa Ngohi towangokali.’” Hokogea Una womahingahu.