Lukasa 24:46 - Ma Jou ai Demo-demo o Totobelohoka

⁴⁶ De Una wato, “De gea igoungu abe ma dodihiraka atulihukuoka abe Ngohi Ma Jou ai Mesia kiani ahi kangela tohimangohi de tohonengohi de ahao ahi wange hange ipahaino de tomomikokali ahi honengino.

Lukasa 24:46 ပူးပေါင်းရင်းမြစ်များ

Yesaya 50:6

Ho gea hiadono ahi porete tohidoaka onangika la ihipoha-poha, de ahi gotoaka tohidoaka onangika la hiadono yakiwuku ahi gumi. De ngaro duru ihiao itorou masara ko tomadatokua hiadono ona ihiobiri de ihihohedu de ko tomahinipo-niporua.

Lukasa 24:44

De ahao wotemo wato, “Naa abe idadioka Ngohino duru imaketero dika hoka tinihingahuoka ma dihiraino abe ngone ka homakiniikohi de totobadotoko. Abe ma dihiraino gea tato mata-mata abe ma dekanoka de ihitulihukuoka ma titi Ngohi, gea mata-mata kiani idadi Ngohino. Abe ngaro o Musa ai Paretaka ma demo abe ihidumutu Ngohino, de abe Ma Jou ai uru ma dodofanga manga demoka, de abe ma demo utuino hohiromanga o Higiriiri ma Nyanyianga ma bukuoka de ihidumutu Ngohino, gea ma dihiraino de tinihingahuoka abe ma demo gea mata-mata kiani ihingodumu ahi wowangoino. De ma oraha naa ka idadi nihioriki abe ma demo gea mata-mata ihingodumoka Ngohioka.”

Lukasa 24:7

Abe Una wato kiani o Nyawa ma Ngofaka iwihidoakohi o howo-howono ma nyawaika la ona iwihidapakuika o gota isosalioaka, de ahao o wange hangeino ipahaino de womomikokali ai honengino. Hokogea Una winitemo ma dihiraino.”

Hidingoto 17:3

De ai higaro ma demo ma goronaka de wahitararono onangika ma titi hokokia Ma Jou ai uru ma dodofanga duru ma dodihirainohi de inahingahuokau abe kiani Ma Jou ai Mesia iwihikokangela de iwihohonenge, de hiadono iwihimomikoli ai honengoka de aino. Abe wohidotoomuino ai demo onangika wato, “O Yesusu abe naa tinihingahu-ngahu nginika, Una gea Ma Jou ai Mesia!”

1 Peturusu 1:3

De ngone kiani hihigiriiri nanga Jouika, abe Una gea to nanga Baluhu idodutu o Yesusu Kristusu ai Jou de ai Babaoo, ho duru itiai abe ngone hihigiriiri Unangika. De gea kiani hihigiriiri ma titi to Una ai hininga ma dora kohaamoko ngoneuku. De mangale ma titi ai hininga ma dora gea hiadono ngone homaboali la nanga wowango ma hungi naga Unangoka de aino. De genangoo ma titi hiadono ngone kiani hihigiriiri nanga Jouika. De mangale ma titi o Yesusu Kristusu womomikoka ai honengino, ho hiadono to ngoneoo nanga nganganono duru ko ihihangua ka hiado-adonika, abe ma titi ngone duru hohioriki abe ahao ma oraha adonoka de ngone hamake nanga utumu Unangino. Abe ma oraha naa nanga utumu gea ko hamakeuahi ho ka hongano-nganonohi.

Hidingoto 4:12

Ho ka Una dika abe ka idadi waduhunu o nyawa manga howo-howonino! Angamoi o romanga utu duru ko iwa abe ngaro o dunia ma amokika holingiri masara ko hamakeua o romanga utu abe o nyawa ka idadi yomagahoko de yamake o duduhunu enangino!”

Matiusu 26:24

Angamoi igoungu Ngohi o Nyawa ma Ngofaka kiani tohonenge duru imaketero hoka Ma Jou ai Bukuoka ihitulihukuoka. Masara hiokoo una gea abe wohihidoaka ahi musuika, angamoi ahao ai hohowono ma kangela duru kohaamoko wamake. Koaho una gea ngaro ufa de womaboa.”

Yohanese 20:9

Abe ma dihira ko yomangaratiiuahi Ma Jou ai Demo-demo abe itemo ato kiani o Yesusu womomiki ai honengino.