Lukasa 24:26 - Ma Jou ai Demo-demo o Totobelohoka

²⁶ Angamoi nako to ona manga demo ka idadi niataoko, gea ahao itararono nginika abe kiani nanga Mesia iwihikokangelahi. De gea duru imaketero abe hoka kangano nia ade-ade ma demoka niato naa ma duru iwihikokangela Unangika gea o Yerusaleemoka. De ai uru ma dodofanga manga demoino de inahingahuoo abe nanga Mesia iwihikokangela ipaha de ahao ka idadi Ma Jou wihidoaka ai medebini ma dararono Unangika.”

Lukasa 24:26 ပူးပေါင်းရင်းမြစ်များ

Dodadi 22:6

Wotemo ibooto de o Abarahaama wagoraka o gota o keledai ma poretoka abe ahao yapake la yomahidaulu manga huhuba. De manga gota gea wihimoku o Isakika, masara o Abarahaama una ma hirete wao o uku de o gakana. Ho yoiki yotagi-tagi yomakiniiki ai ngofaka de ai baba.

Lukasa 24:44

De ahao wotemo wato, “Naa abe idadioka Ngohino duru imaketero dika hoka tinihingahuoka ma dihiraino abe ngone ka homakiniikohi de totobadotoko. Abe ma dihiraino gea tato mata-mata abe ma dekanoka de ihitulihukuoka ma titi Ngohi, gea mata-mata kiani idadi Ngohino. Abe ngaro o Musa ai Paretaka ma demo abe ihidumutu Ngohino, de abe Ma Jou ai uru ma dodofanga manga demoka, de abe ma demo utuino hohiromanga o Higiriiri ma Nyanyianga ma bukuoka de ihidumutu Ngohino, gea ma dihiraino de tinihingahuoka abe ma demo gea mata-mata kiani ihingodumu ahi wowangoino. De ma oraha naa ka idadi nihioriki abe ma demo gea mata-mata ihingodumoka Ngohioka.”

Lukasa 24:46

De Una wato, “De gea igoungu abe ma dodihiraka atulihukuoka abe Ngohi Ma Jou ai Mesia kiani ahi kangela tohimangohi de tohonengohi de ahao ahi wange hange ipahaino de tomomikokali ahi honengino.

Lukasa 24:7

Abe Una wato kiani o Nyawa ma Ngofaka iwihidoakohi o howo-howono ma nyawaika la ona iwihidapakuika o gota isosalioaka, de ahao o wange hangeino ipahaino de womomikokali ai honengino. Hokogea Una winitemo ma dihiraino.”

Yohanese 2:22

Masara duru ma dekanino de ahao ai demo ma titi gea ona iwitobaniiki yohininga de yomangaratii. Abe ai lungunino o Yesusu womomikokau de ahao yomahohininga ai demo ma dihira gea womahiketero ai badanga de Ma Jou ai Tau. Ho gea yomahohininga de ona duru yangaku Ma Jou ai Demo-demoika. De abe ma dihira o Yesusu wahingahuoka abe wato ai futu hange dika de womomikoka, genangikaoo duru yangaku.

Yohanese 20:9

Abe ma dihira ko yomangaratiiuahi Ma Jou ai Demo-demo abe itemo ato kiani o Yesusu womomiki ai honengino.

Hidingoto 17:3

De ai higaro ma demo ma goronaka de wahitararono onangika ma titi hokokia Ma Jou ai uru ma dodofanga duru ma dodihirainohi de inahingahuokau abe kiani Ma Jou ai Mesia iwihikokangela de iwihohonenge, de hiadono iwihimomikoli ai honengoka de aino. Abe wohidotoomuino ai demo onangika wato, “O Yesusu abe naa tinihingahu-ngahu nginika, Una gea Ma Jou ai Mesia!”

Ibarani 12:2

De gea nanga popaata ma goronaka de kiani ka ihikaika homalega ka o Yesusika dika, angamoi Una gea ka idadi hihiromanga hato Una to ngone nanga ngongaku ma lifunu de ma dekaroo. Abe ma romanga gea ma titi hokonaa. Nako to ngone nanga ngongaku gea imulaenge Unangoka. De nako ahao ma oraha nanga roreebe ma batingika homahiadonikaka, Unangoo naga genangoka la ka idadi nanga ngongaku duru wohingodu-ngodumoka abe ma oraha homahiadono Unangika. Ho ngone naa ka idadi homaaduru abe hoka o Yesusoli ai hininga, angamoi Una ma dihiraino de ngaro o himaleke wohimanga abe kiani wohonenge o gota isosalioaka, masara ko iwitukorua de gea ena ai ngekomino. De gea Una ka wogila-gila dika de ai dongohono ka hiadono womahiadonika ma batingika angamoi genangoka de ahao wamake ai hadia o garago ma amoko Unangika. De gea womahiadonika de ahao wogogerukuoka Ma Jou o Baba ai kadera ma hohailoa ma nirakoka la genangoka Una de ai Baba yokoano.

1 Peturusu 1:11

Angamoi ma dodihiraino gea de o Kristusu ai Womaha abe naga Ma Jou ai uru ma dodofangoka, Una gea wahitararonohi onangika abe ma titi ahao o Kristusu kiani iwihikangelahi de ipahaino ahao idadi ma utumu kohaamoko abe ai kokangelaino. Masara gea ko itararonuahi Ma Jou ai uru ma dodofangika abe ahao hokokia idadi eko muruonoka ahao idadi Ma Jou ai hidee gea, ma enangoo ma ko ihiorikua. Ho ona manga hiningaka de duru yomalingi-lingiri la utuohi ihioriki abe Ma Jou ai hininga ma owa ngoneuku.

1 Peturusu 1:3

De ngone kiani hihigiriiri nanga Jouika, abe Una gea to nanga Baluhu idodutu o Yesusu Kristusu ai Jou de ai Babaoo, ho duru itiai abe ngone hihigiriiri Unangika. De gea kiani hihigiriiri ma titi to Una ai hininga ma dora kohaamoko ngoneuku. De mangale ma titi ai hininga ma dora gea hiadono ngone homaboali la nanga wowango ma hungi naga Unangoka de aino. De genangoo ma titi hiadono ngone kiani hihigiriiri nanga Jouika. De mangale ma titi o Yesusu Kristusu womomikoka ai honengino, ho hiadono to ngoneoo nanga nganganono duru ko ihihangua ka hiado-adonika, abe ma titi ngone duru hohioriki abe ahao ma oraha adonoka de ngone hamake nanga utumu Unangino. Abe ma oraha naa nanga utumu gea ko hamakeuahi ho ka hongano-nganonohi.