Lukasa 24:24 - Ma Jou ai Demo-demo o Totobelohoka

²⁴ De gea yoihene de ahao mia dodiawo utu yamuruono naga yosoboka yoiki ai lungunika de yomahiadono de yamake duru imaketero abe hoka o ngo-ngofekali manga ade-adeoka, abe ko iwimakeua Una gea. Ho ngomi naa mia hiningaka duru mililifangoka abe done ma titi o kia idadi Unangika!”

Lukasa 24:24 ပူးပေါင်းရင်းမြစ်များ

Matiusu 2:7

Ho ka de manga demo ipaha gea o Herodese woihenoka de ahao ona abe yosoo-sosawaro ma titi o murumu ma dodagi gea o Herodese wahidohikika wabehehongo la ka idadi ona yoboa iwihimanga unangika. Ho ona gea yoboaka de wabole ma goa-goa watemo onangika wato, “Ngohi toigo tohioriki ka furuono ngini niamakeoka o murumu gea abe niato bote o Koano ma hungi ai dodunguu?”

Lukasa 24:12

Masara o Peturusu una womaokoino de wosoboka womapopaata o lungunika. De womahiadono de womaponuku la watutumu doka ma goronaika. De genangoka wamake ka o ngoere ma bela-belaka dika abe o Yesusu ai honenge ma hahawoino. Ho una ka wolio de duru woheranga abe ma titi o kia idadioka.

Lukasa 24:23

De yomahiadono ai lungunika ma ko yamakeua to Una ai honenge. De yolioino de yoade-ade abe yamake ai lungunoka o malaekata abe yahingahu onangika ato bari Una gea wowangokali.

Lukasa 24:25

De o Yesusu wotemo onangika wato, “Ngini naa done totokia hiadono nia hininga ko ataokua de abe nia pea itogowini! Angamoi ka ikurangohi niataoko Ma Jou ai Demo-demo mata-mata abe ai uru ma dodofanga ihitulihuku ma titi nanga Mesia abe Una ma dodihiraino de wonahibehehongoka.