Lukasa 24:23 - Ma Jou ai Demo-demo o Totobelohoka

²³ De yomahiadono ai lungunika ma ko yamakeua to Una ai honenge. De yolioino de yoade-ade abe yamake ai lungunoka o malaekata abe yahingahu onangika ato bari Una gea wowangokali.

Lukasa 24:23 ပူးပေါင်းရင်းမြစ်များ

Matiusu 28:6

Masara Una ko iwiwaka ai dingiioka naa, angamoi womomikoka ai honengino! De gea idadi duru imaketero abe hoka ma dihiraino de winihingahuokau. Abeika ai dingii naa o kiaka iwikelengauku ai honenge.”

Maruku 16:11

De gea mahingahu onangika mato, “O Yesusu Una wowangoli! Ahao kangano ngohi timake!” Masara ami demo gea o Yesusu ai dodiawo ko yongakua.

Lukasa 24:22

De masara kangano miihenino o ade-ade moi abe duru imihiheranga. Abe kangano duru o ngorumino de mia dodiawo o ngo-ngofeka yamuruono naga yoiki yotutumu to Una ai lungunika.

Lukasa 24:24

De gea yoihene de ahao mia dodiawo utu yamuruono naga yosoboka yoiki ai lungunika de yomahiadono de yamake duru imaketero abe hoka o ngo-ngofekali manga ade-adeoka, abe ko iwimakeua Una gea. Ho ngomi naa mia hiningaka duru mililifangoka abe done ma titi o kia idadi Unangika!”

Lukasa 24:3

Ho ona yogila-gila yowohamika, masara ko yamakeua o Yesusu ai honenge.

Yohanese 20:18

Hokogea o Yesusu womihibehehongo de o ngo Maria Madalena moiki matutumu ona iwitobaniikika. Ho ka de muna maika onangoka de mahingahu de ami garago mato, “Nanga Baluhu wowangokali de ngohi timakeoka! De wohihibehehongo la ai hingahu ma demo tadofanga nginika wato, ‘Ngohi ahao togoraka daku to Ngohi ahi Babaiye de ti nginioo nia Babaiye.’ Hokogea ai behehongo nginika.”