Lukasa 24:16 - Ma Jou ai Demo-demo o Totobelohoka

¹⁶ De ona ka idadi iwimake masara ko iwihiorikua angamoi imaketero hoka manga lako atatokohi la ufa iwihioriki gea o Yesusu.

Lukasa 24:16 ပူးပေါင်းရင်းမြစ်များ

Dodadi 42:8

De o Yusupu duru wahiorikoka ona gea ai ria-riaka, masara ona ko iwihiorikokaua to ona gea manga dodoto.

Maruku 16:12

De ahao o Yesusu womahimatokoli ai dodiawo yahinootoikali. Abe ai dodiawo yahinooto gea, ona yohupuoka ma kotaino ho yoiki ma hoanika. De manga dodagi ma goronaka de o Yesusu womahimatoko onangika, masara iwimake hoka o nyawa moioli, abe ai rupa hoka ma dihiraua.

Lukasa 24:15

De abe yomakoketemo manga gogiriakahi de o Yesusu Una ma hirete yomakamake de ona ho womahitigino la yomakiniiki manga dodagioka.

Lukasa 24:17

De o Yesusu wotemo onangika wato, “Nia demo ma titi o kia naa abe nimakoketemo nia dodagi ma goronaka?” Ka de yoihene ai demo gea de yomatogumoka ho ka yomaokoino dika ma ngekomo ma goronaka. De o Yesusu wamake manga himanga de itararono abe duru yohuha manga hiningaka.

Lukasa 24:31

De ka de ai datoro gea yamake de manga hininga ma lako ko atatokokaua ho duru itararono iwihioriki Unangika. Masara ka de iwihioriki de Una ka aiaho, ko iwimakeokaua!

Yohanese 20:14

Muna motemo ibooto de gea momaidulu de o Yesusu naga womaokoino ami datekoka masara ko mihiorikua abe gea Una.

Yohanese 21:4

Ho duru o ngoru-ngorumino yolio de yoboaiha de o Yesusu naga dina o dowongioka ho iwimake womaokoino genangoka masara ona ko iwihiorikuahi gea Una.