Lukasa 23:8 - Ma Jou ai Demo-demo o Totobelohoka

⁸ De o Yesusu iwiao o Herodesika de ka de wimake de o Herodese duru wosanangi angamoi naa ma dekanino de woihe-ihene ma ade-ade ma titi o Yesusu, ho una duru wonganono ka idadi wamake o Yesusu wodiai o heheranga moi.

Lukasa 23:8 ပူးပေါင်းရင်းမြစ်များ

2 Kokoano 5:11

Masara o Elisa ai behehongo gea o Naamana woihene de duru wongamo de duru womakode wolio ai poretoko de wato, “De ngohi tato bote Ma Jou ai uru ma dodofanga gea ahao wohupu wohitutumu! De iti una de ai giama wohikelu-kelu la daku ahi pado ma nabo-nabo ma lokuino de womagahoko de Ma Jou o Yawe ai romanga la to una ai Jou gea wohihitogumu!

Matiusu 14:1

De ma oraha gea de o nyawa ko manga ngoe yomaketeade-ade abe ma titi o Yesusu ai demo de ai heheranga. De hiadono o Yahudi ma nyawa manga koano genangoka, abe to una ai romanga o Herodese Antipasa, unangoo woihenino abe ma titi o Yesusu.

Maruku 6:14

De ma oraha gea naga womatengo ai romanga o Herodese Antipasa, abe una wahikoano o Yahudi ma nyawa o Galilea ma tonakoka. De una gea abe nengokadauino de witoma o Yohanese Wotobaohi-ohiki. Ho naa o Herodese Antipasa gea wigihene ma titi o Yesusu angamoi o nyawa mata-mataika yomaketeade-ade abe o Yesusu ai datoro hokokia wodiaioka hiadono ma abari adonoka manga hidimonika gea. Ho o nyawa yomaketeliliara ma titi o Yesusu abe tanu Una gea onaguna. Abe o nyawa utu yotemo ato, “Una gea bote o Yohanese Wotobaohi-ohiki, una gea womomikoka ai honengino de wowangoli! De gea ma titi hiadono naga ai kuaha hiadono o heheranga wapoa wodiai.”

Maruku 8:34

Gea o Peturusika witemo ibooto de ahao wahokino iwinii-niiki yangimoi de yahinooto de naga utu manga ngoe-ngoe genangoka. Wakokiahokino de wahitiari onangika wato, “Onagona dika nginioka abe niato nihinii-niiki Ngohi, kiani ti ngini ma hirete nia mau nianoaka. De ngaro duru inihikangela ma ngoe ma titi nihinii-niiki Ngohi, abe ka hiadono o nyawa utu ato inihohonenge o gota isosalioainoka, masara ufa genangino de inihirehenoka ma hoanika. Abe nako nia mau nianoaka de ma kokangela gea niamakeoka de ka nihinii-niikohi Ngohino, gea ahao nihinii-niiki igou-goungu.

Lukasa 4:23

De ahao o Yesusu wotemo onangika wato, “Ngini naa boteua de nihitemo Ngohino nanga demo ma dulu abe itemo ato, ‘Nako ngona nohou-houru, gea kiani nomahitaana abe ngona nomahitogumu ngona ma hirete ani badanga de ahao ngomi naa miningaku ngonaika.’ Abe gea ma demoino de imaketero hoka ngini nihihuloko niato, ‘O kia dika ani datoro abe miihenoka ngona nodiaioka o Kapenaumu ma kapongoka, gea mata-mata kiani nodiai nenangokaoo abe to ngona ma hirete ani kapongokali. Ho nako hiadono gea nodiai naangoka de ahao ngomi ka idadi miningaku.’ Hokogea ti ngini nia hininga Ngohino.”

Hidingoto 8:19

Abe una wotemo onangika wato, “Nako ka idadi, ngohi toigo o tiwi tinihidoaka la ahao ngohioo naga de ahi kuahaka! La ahao ma oraha ngohi tafokumu o nyawaika de ka idadi yamake Ma Jou o Womaha genangino!”