Lukasa 23:6 - Ma Jou ai Demo-demo o Totobelohoka

⁶ Ka de o Pilatusu woihene manga demo gea de woleha wato, “Ho Una naa o Galilea ma tonakoka ma nyawa?”

Lukasa 23:6 ပူးပေါင်းရင်းမြစ်များ

Matiusu 26:69

De ma oraha o Yesusu iwiurusu ma gogiriaka de o Peturusu nagahi doka o tau ma loakahi wogogeruku. De ipaha de naga o ngofeka momatengo o nyawa manga huhuloko moboaino o Peturusino de mitemo unangika mato, “O, marai ngonaoo naa to Una ai dodiawo abe o Galilea ma nyawa gea abe iwihiromanga o Yesusu.”

Lukasa 13:1

De abe ma oraha gea naga o nyawa yoboaino o Yesusino de iwihingahu Unangika o abari o Yerusaleeme ma kotaino abe o doma idadioka genangoka. Abe bari naga manga gogianongoru o Yahudi ma nyawa yamuruono naga o Galilea ma tonakino yoboa, de manga huhuba yomahihuba Ma Jouiye to Una ai Tauoka. De yomahihuba manga gogiriaka de yatomaka, angamoi ma gubernuuru o Pilatusu wahuloko ai nyawa la yatoma ona gea.

Lukasa 23:5

De ahao ona duru iwiribuutu o Pilatusika ma titi manga demo ma bobuturungino ato, “Masara Una naa ma titi ai dodotokino de duru wahikapusaka o kokawaaha manga hininga la wato yalawana nia poparetaika. Abe nengokadau womulaenge dau o Galilea ma tonakoka de ngaro ka hiadono naa o Yerusaleeme ma kotaino, masara to ngomi mia tonaka mata-mataika de wahikapusakoka o nyawa manga hininga!”

Lukasa 23:7

De iwihingahu abe o Yesusu igoungu o Galilea ma nyawa, ho o Pilatusu wihidingoto o Herodese Antipasika, angamoi nako o Galilea ma tonaka gea to Herodese ai tagongo la wohipareta. De ma oraha gea o Herodese naga o Yerusaleeme ma kotaka womanoa jai-jai.

Hidingoto 5:37

De ipahaino de naga womatengoli womahikurutiye abe ma oraha o Roma ma popareta inaetongo ngone mata-mata. De to una gea ai romanga o Yudasa abe o Galilea ma tonakino ma nyawa. Ho unangoo naga ai nyawa manga ngoe abe wahigaro la iwinii-niiki unangika la ona duru yalawana o Roma ma poparetaika. Masara ipahaino de unangoo iwitomaka ho ai nyawa duru yomahikabarihoka.”