Lukasa 23:30 - Ma Jou ai Demo-demo o Totobelohoka

³⁰ De abe ma oraha manga kangela gea yadaenoka de o nyawa utu yamao ko yapoaua, ho hiadono ona yomagaho-gahoko o loku-lokuika de o lokuhakaruika ato, ‘Ngini o hakaru nimahikahumoka de nimitamunu la mikokihonengoka dika de ibootohi ma kangela ma amoko naa ngomi miamao!’ Hokogea manga gogahoko abe manga hininga ma huhaino.”

Lukasa 23:30 ပူးပေါင်းရင်းမြစ်များ

Lukasa 23:31

“De ma kangela gea ahao kiani idadi nginika angamoi ti ngini o Yerusaleeme ma nyawa nia howo-howono ma ngoe Ma Jou ai himangoka. Abeika naa tonahiketero. Abe Ngohi naa ahi wowango itotiai Ma Jou ai himangoka, ho Ngohi hoka o gota o utu moi abe ka ma gouohi. Ho nako o nyawa yatolanga de yaumo o uku ma goronaika masara ko igapangua youku. Masara ngini o Yerusaleemoka naga de nia howo-howonoka ho ngini nimaketero hoka o gota abe ma deka-dekanoka atolangoka ho duru idamaaka mata-mataika. De ahao ma oraha yaumo o ukuika de duru youku hiadono ikokitinoka. De hokogenangoo to Ngohi ahi kangela naa de ti ngini abe ahao inihidotadaene, de ka ti nginiohi duru itubuho nia kangela! Ho koaho ngini niari-ari ma titi ngini ma hirete dika nia kangela abe ahao inidaene nginiuku!”

Himatoko 6:16

De gea yomagogono de ahao ona yomagaho-gahoko o loku-lokuika de o lokuhakaruika ato, “Ngini o hakaru nimahikahumoka de nimitamunu la ufa Una gea wogogeruku ai kadera ma hohailoaka ufa womimake ngomi, de ufa o Domba ma Ngofaka ai hohowono imihidotadaene,

Himatoko 9:6

De ma oraha gea o nyawa manga badanga ma odiri duru kohagiria hiadono yoigo ato yohonenge dika ma ko yohonengua. De ngaro manga hiningaka ato yosanangi manga bobaha adonoka, masara gea manga bobaha ko amakeuahi.