Lukasa 23:27 - Ma Jou ai Demo-demo o Totobelohoka

²⁷ De nagali o nyawa duru ko manga ngoe yahidoduruino, de onangoka naga o ngofeka yamuruono naga abe manga hininga duru ihuhaholi hiadono yoari-ari.

Lukasa 23:27 ပူးပေါင်းရင်းမြစ်များ

Higiriiri 22:17

De ahi kobongo mata-mata o nyawa ka yobawilika hiadono ka idadi yaetongo. De ahi musu ihidamaanoka de manga lolaku ma gimono.

Matiusu 11:17

De manga gurubungu ma demo ato, ‘Ngomi miato irahai hogogule abe hoka o nyawa o gogilaka ma rame-rameoka, ho mia sulingi miwuu-wuwu la homakutuono hohirame-rame de nanga hininga ma garago, masara ngini naa duru nioluku ho nia hininga ko igaragoua.’” “‘De ipahaino ngomi minihigaroli abe miato irahai hogogule abe hoka nanga hininga ihuha, abe hoka o nyawa yomatoomuino ma titi manga dutu womatengo wohonengoka. Ho ngomi miato honyanyi de o hininga ma lalaru ma nyanyianga abe hoka nanga biaha nako o nyawa yohonenge. Masara ti ngini nia hininga nihikawalimi abe niato ufa homaaduru abe hoka nanga hininga ma huha masara ngini niato koaho hogarago dika. Ho ngini ngaro hokokia dika minihigaro masara duru ko niminiikua to ngomi naa mia hininga!’” De gea o Yesusu ai hiketero ibooto de ahao wogila-gila wahitararono onangika wato, “Hokogea o ngofa-ngofaka manga gurubungu ma demo, ho manga hininga gea tato imaketero abe hoka ti nginioli nia hininga, angamoi ngini ka nimioluku ngomi mata-mata, abe ngaro Ngohi de ngaro o Yohanesoo Wotobaohi-ohiki.

Matiusu 27:55

De nagali genangoka o ngo-ngofeka manga ngoe de ona hatoli yokurutika de iwilega-lega o Yesusu ma oraha gea iwihohonenge. De ona gea ma dihira abe o Yesusu wotagi-tagi wadoto-dotoko o Galilea ma tonakoka de ona iwinii-niiki de iwitobaleleani. De abe ma oraha Una woboa o Yerusaleemino de onangoo yoturuino iwiniiki la ka idadiohi iwitobaleleani Unangika.

Maruku 15:40

De o ngo-ngofekaoo yamuruono naga genangoka ma hatoli yokurutika de iwilega-lega o Yesusu ma oraha gea iwihohonenge. De naga manga doomuoka gea o ngo Maria Madalena de naga o ngo Maria abe to Yakobusu ai dodipokouku de to Yosese manga meme, de momatengoli naga o ngo Salome.

Lukasa 23:28

De o Yesusu womalega o ngo-ngofekaika gea de wotemo wato, “Ngini o Yerusaleeme ma ngo-ngofeka tanu ngaro ufa niari-ari ma titi Ngohi, angamoi ti ngini ma hirete nia kangela kohaamoko ahao ngini niaohana. Ho koaho niari-ari ma titi ngini ma hirete de nia ngofa-ngofaka.

Lukasa 23:55

De ma oraha o Yusupu wiao o Yesusu ai honenge ma lungunika de o ngo-ngofeka o Galilea ma tonakino ona iwihidoduruika, ho yomahiadono de ona ihioriki ma lungunu ma ngi de abe hokokia o Yusupu wikelengauku.

Lukasa 8:2

de nagali o ngo-ngofeka yamuruono naga yomakiniiki de ona. Abe ma ngo-ngofeka gea ona ma dihiraino de utu yakokitokata de utu naga de manga popanyakeoka, masara o Yesusu wahikokitogumoka. De onangino gea naga o ngo Maria Madalena abe ma dihiraino de o tokata yatumidi watitoko munangino.

Lukasa 8:52

De manga tau ma goronaka gea de naga o nyawa manga ngoe duru yoari-ari ma titi ma ngofaka gea mohonengoka. De Una ko womimakeuahi de wotemo onangika wato, “Ngini naa ngaro ufa niari ma titi muna, angamoi ka momaiduoka dika, ko mohonengua.”

Yohanese 16:20

Naa duru tagou-goungu tinihingahu, ngini naa ahao nia hininga duru ihuha mangale gea abe ahao idadi Ngohino de hiadono duru niari ngaro o dunia ma nyawa yopoa-poaka de manga sanangi dika. Ma ngaro ngini naa igoungu duru nia hininga ihuha masara nia huha gea ahao aturuuru hiadono idadi nia garago.