Lukasa 23:25 - Ma Jou ai Demo-demo o Totobelohoka

²⁵ De ahao wihihupu una abe o nyawa yowoe-woe yogahoko, abe nengokadauino de iwibuioka ma titi o kangamo de o doma wodiaioka. Masara nako o Yesusu Una gea wihidoaka o tentaraika la iwidiai Unangika abe hokokia o nyawa yowoe-woe manga hiningaka iwihideeoka.

Lukasa 23:25 ပူးပေါင်းရင်းမြစ်များ

Estere 3:11

De o koano wihingahu o Hamanika wato, “De ani hidoaka o tiwi ilamoko gea ngaro ufa e dika. De nako o homoaino ma nyawa gea abe nahiade-ade ngohino onangoo tahidoaka ani giamika. Ho o kia ngona nofikiri irahai idadi onangika enangoo ma hiaturu to ngona o Hamana ani putuhu.” Hokogea o koano wihikuaha o Hamanika.

Matiusu 27:26

Ho gea ipaha de o Pilatusu wihiluasoka o Barabasa o nyawa yowoe-woeika. De ahao una wahuloko ai tentaraika ho o Yesusu iwihipoha-pohahi de o hohonenge ma boboha de ahao wahigunoa la iwihidapakuika o gota isosalioaka la iwihohonenge genangoka.

Maruku 15:15

De gea o Pilatusu waputuhoka la wato wahisanangi ai kokawaahaika, ho wadomoteke dika ho wihihupu o Barabasa onangika. De wahuloko ho o Yesusu iwihipoha-pohakahi de o hohonenge ma boboha de ahao wahigunoa la iwihidapaku o gota isosalioaika.

Lukasa 23:2

De ona iwitae-tae o Yesusika o Pilatusu ai himangoka ato, “Una naa abe wahirehene to ngomi mia nyawa, de ko wahigunoaua mia nyawa la yofangu manga pajaka ma tiwi ti ngini o Roma ma nyawa nia koano o Kaisarika. De hongoli Una naa womahingahu abe to ngomi mia Mesia abe ma dihirainohi de Ma Jou womihibehehongo wato ahao wihidingoto ngomiuku la wodadi to ngomi mia koano!”

Lukasa 23:24

Ho gea o Pilatusu woputuhu la waniiki dika to ona manga ribuutu ma demoino.

Lukasa 23:26

De ahao o tentara ma nyawa gea iwiao o Yesusu o Yerusaleeme ma kotaka de yaino yohupu o hohonenge ma ngiika. De manga dodagi ma goronaka de naga womatengo yomakamakeika o Kirene ma nyawa ai romanga o Simono, abe una gea ma hoanoka de waino woboa wato wowohama o kota ma goronaika gea. Masara o Roma ma tentara iwihiribuutu la o Yesusu ai gota isosalioaino o Simono wimoku de wihidoduru Unangika.

Lukasa 23:5

De ahao ona duru iwiribuutu o Pilatusika ma titi manga demo ma bobuturungino ato, “Masara Una naa ma titi ai dodotokino de duru wahikapusaka o kokawaaha manga hininga la wato yalawana nia poparetaika. Abe nengokadau womulaenge dau o Galilea ma tonakoka de ngaro ka hiadono naa o Yerusaleeme ma kotaino, masara to ngomi mia tonaka mata-mataika de wahikapusakoka o nyawa manga hininga!”

Yohanese 18:40

Masara o Yahudi ma nyawa gea duru yopoa-poaka ato, “Koua, ko Unangua! Kiani o Barabasa dika nomihidoaka!” Hokogea ona manga demo la ato o Barabasa iwihihupu, ngaro una gea o nyawa ma dorou abe duru watobalawana o nyawaika.

Yohanese 19:16

Ho ma bahaika de o Pilatusu waniikoka manga hininga ho wihidoaka o Yesusu onangika abe ahao ka idadi iwihidapakuika o gota isosalioaika.

Hidingoto 3:14

De gea ngini niwioluku Unangika abe duru wotebi-tebini de duru wototiai. De niwiribuutu o Pilatusu la wihihupu nginika womatengoli abe o nyawa watomaka.

1 Samuele 12:13

“Ho abeika, ti ngini nia ngiriki, una nenanga ti ngini nia koano de naa una nagau nginioka. Abeika ngini nimafikiri! Ka de nimagahoko Ma Jou o Yaweika de nia gogahoko winihidoakoka. De unangoo Ma Jouoka de waino abe naa wihidadioka nia koano o Saulu abe winihikoano ngini mata-mataika.”