Lukasa 23:22 - Ma Jou ai Demo-demo o Totobelohoka

²² De ahao o Pilatusu ma moioli widemo o Yesusu, ho naa ma hangeou widemo. Abe una wato, “Adodoa ho tihohonenge? Done ma howono o kia naga Unangoka hiadono kiani tihidapakuika? Duru ko iwa! Ho naa toputuhoka tato tipoha-pohahi de ahao ka tihihupu dika ma rorahaiika!”

Lukasa 23:22 ပူးပေါင်းရင်းမြစ်များ

Lukasa 23:14

De yomatoomuinoka de wahingahu onangika wato, “Kangano ngini niwiaoino ngohino o nauru womatengo gea angamoi niwitae Unangika niato Una wahigaro o kokawaaha la yalawana mia poparetaika. De naa nia hima-himangoka de titailakoka de tileha-leha Unangika, masara ko iwa ai howono abe iwihitaana de nia dadae ma demo Unangika.

Lukasa 23:16

Ho naa ka tidotokohi dika de o boboha de ahao tihihupu ma rorahaiika.” [

Lukasa 23:20

Masara o Pilatusu ko womodekua to ona manga hininga angamoi una woigo wihihupu o Yesusu ma rorahaiika, ho una watemoli o nyawa yowoe-woeika de wahitararono ma moioli abe ko wamakeua o Yesusu ai howono ho wato wihihupu dika.

Lukasa 23:21

Masara ona gea ka yopoa-poakiye ato, “Nihohonenge dika! Nihidapakuika o gota isosalioaika!”

Lukasa 23:23

Masara ona yowoe-woe ka yodogo-dogoli yopoa-poaka de iwiribuutu o Pilatusika la ato kiani o Yesusu iwihidapakuika o gota isosalioaika, de ma bahauku de ona iwihikala o Pilatusu.

Lukasa 23:4

De o Pilatusu womadogilioro o Yahudi ma nyawa manga hidemoika de ona utu yowoe-woeika de wotemo wato, “Una naa ko timakeuahi wahowono.”

1 Peturusu 1:19

Masara hokogenangua Una winihibangu, masara Una winihibangu de o Kristusu ai awunu abe ka enangohi ikurutiye de ko imakadaenua de o gurasi eko o haaka. De o Kristusu Una gea duru ko iwa ai howono Unangoka, ho gea ka idadi tihiketero hoka o domba o dutu moi abe to ena ma heluku eko ma bokeke moioo de ko iwa.

1 Peturusu 3:18

De abeika ngone hongano-nganonohi ma titi o Kristusu ai kangela abe ma dihiraino Unangoo wohimangoka. Angamoi igoungu o Kristusu ma moiokau iwihikangela ka hiadono wohonenge ma titi o howono. Masara gea ko mangaleua ma titi to Una ai howono hiadono iwihikangela, angamoi Una duru wototiai dika. Masara Una iwihikangela ma titi ngone o nyawa nanga howo-howono abe ko hototiaiua. De hokogea Una iwihikangela la ka idadi ngini naa winihiboa Ma Jouino. De igoungu abe Una gea iwihohonenge abe ma titi ai badangino, masara ipahaino de ahao iwihiwangokali ma titi Ma Jou o Womahino. Ho koaho ngone nanga datoro ma rorahai dika hotobadiai nanga wowangoka.