Lukasa 23:20 - Ma Jou ai Demo-demo o Totobelohoka

²⁰ Masara o Pilatusu ko womodekua to ona manga hininga angamoi una woigo wihihupu o Yesusu ma rorahaiika, ho una watemoli o nyawa yowoe-woeika de wahitararono ma moioli abe ko wamakeua o Yesusu ai howono ho wato wihihupu dika.

Lukasa 23:20 ပူးပေါင်းရင်းမြစ်များ

Matiusu 27:19

De o Pilatusu naga wogogeruku ai pareta ma kaderaka de una walehaka o kokawaahaika masara ona ko yopaluhuahi de naga iboaino o behehongo ma demo abe o Pilatusu ngoi fekatoka de aino mohidingoto. De ami demoka gea de mihibehehongo mato, “Ufa nihohowono Una gea abe ko iwa ai howono, angamoi o futuika de ngohi ahi buluharino de duru ihiruwae ahi hiningaka ma titi Una gea!”

Maruku 15:15

De gea o Pilatusu waputuhoka la wato wahisanangi ai kokawaahaika, ho wadomoteke dika ho wihihupu o Barabasa onangika. De wahuloko ho o Yesusu iwihipoha-pohakahi de o hohonenge ma boboha de ahao wahigunoa la iwihidapaku o gota isosalioaika.

Lukasa 23:19

Abe ma oraha gea o bui ma tau ma goronaka naga womatengo ai romanga o Barabasa, abe una gea de ai dodiawo yodiai o kokangamo ma kotaka ma titi yalawana manga poparetaika. De nengokadau abe manga popareta yalawana ma gogiriaka de o nyawa watomaka o Barabasa, de genangino ma titi hiadono iwibuika.

Lukasa 23:21

Masara ona gea ka yopoa-poakiye ato, “Nihohonenge dika! Nihidapakuika o gota isosalioaika!”

Yohanese 19:12

Ka de o Pilatusu woihene o Yesusu ai demo gea de wolingiri ma ngekomo la wato o Yesusu wihiluasa ai kangelaino. Ma ka de wohupuoli o tauino de o Yahudi ma nyawa ihigali-gali yopoa-poaka iwihihawana unangika ato, “Unangoo hoka womahidadioka ti nginioo nia koano ho Una o Kaisara ai musu. Ho done sarakia de ngona nato noigo la o Yesusu gea nihiluasa?”