Lukasa 23:2 - Ma Jou ai Demo-demo o Totobelohoka

² De ona iwitae-tae o Yesusika o Pilatusu ai himangoka ato, “Una naa abe wahirehene to ngomi mia nyawa, de ko wahigunoaua mia nyawa la yofangu manga pajaka ma tiwi ti ngini o Roma ma nyawa nia koano o Kaisarika. De hongoli Una naa womahingahu abe to ngomi mia Mesia abe ma dihirainohi de Ma Jou womihibehehongo wato ahao wihidingoto ngomiuku la wodadi to ngomi mia koano!”

Lukasa 23:2 ပူးပေါင်းရင်းမြစ်များ

1 Kokoano 18:17

De ka de o Ahaba wimake o Elia de wihitodokanika unangika witemo wato, “Abeika ngona, o Tobahikangela, ho naa de nomahimatoko abe ngona duru nahikangelaka o Isiraele ma nyawa!”

Matiusu 17:27

De o Yesusu wogila-gila wotemo o Peturusika wato, “Ho tanu ngaro ufa dika de hofangu ma pajaka ma tiwi gea, masara nako ko hofangua ahao done naga utu abe inahininga kuranga ngoneino. Ho naa ngona noiki daukuku o akere ma ngooto ma ngigoruku de nomemekana. De ahao bootino abe o nawoko ihira-hira abe naliarino, de ma nawoko gea namoana to ena ma uru. De doka ma uru ma goronaka ahao namake o tiwi ise-senge moi abe inawedono ma titi to ngone inahinooto nanga pajaka hofangu. Ho ma tiwi gea nagorakoka de noiki nao onangika abe yotobagahoko o pajaka o nyawaino la gea nanga pajaka nonabangu.” De igoungu hokogea idadi abe imakiniiki de to Yesusu ai demo, ho gea ona yofangu Ma Jou ai Tau ma pajaka.

Matiusu 22:21

De gea iwipaluhu ato, “De gea to o Roma ma nyawa manga koano.” De ahao watemoli onangika wato, “Ho gea tato o kia dika naga abe hohiromanga hato to ma koano, gea itiai nihidoaka ma koanoika. Masara nagali o kia dika abe hato to Ma Jou, ena gea kiani niwihidoaka Ma Jouika.”

Matiusu 27:11

De ma oraha gea o Yesusu naga o Roma ma gubernuuru o Pilatusu ai himangoka. De gea o Pilatusu witailako Unangika ho wileha wato, “Sarakia, Ngona naa igoungu o Yahudioka manga koano?” De wipaluhu wato, “Abe gea ngona nohihiromanga.”

Maruku 12:17

De ahao watemo onangika wato, “Ho gea tato o kia dika naga abe hohiromanga hato to ma koano, gea itiai nihidoaka ma koanoika. Masara nagali o kia dika abe hato to Ma Jou, ena gea kiani niwihidoakoli Ma Jouika.” De gea duru yokokiheranga abe Una ka idadi wopaluhu de ko idadiua iwikalaki ma titi ai bobaluhino gea.

Maruku 15:2

De iwihiadonika o Pilatusoka de ahao o Pilatusu wileha o Yesusika wato, “Sarakia, Ngona naa igoungu o Yahudioka manga koano?” De wipaluhu wato, “Abe ngona ma hirete nohihiromanga hokogea.”

Lukasa 23:14

De yomatoomuinoka de wahingahu onangika wato, “Kangano ngini niwiaoino ngohino o nauru womatengo gea angamoi niwitae Unangika niato Una wahigaro o kokawaaha la yalawana mia poparetaika. De naa nia hima-himangoka de titailakoka de tileha-leha Unangika, masara ko iwa ai howono abe iwihitaana de nia dadae ma demo Unangika.

Lukasa 23:5

De ahao ona duru iwiribuutu o Pilatusika ma titi manga demo ma bobuturungino ato, “Masara Una naa ma titi ai dodotokino de duru wahikapusaka o kokawaaha manga hininga la wato yalawana nia poparetaika. Abe nengokadau womulaenge dau o Galilea ma tonakoka de ngaro ka hiadono naa o Yerusaleeme ma kotaino, masara to ngomi mia tonaka mata-mataika de wahikapusakoka o nyawa manga hininga!”

Yohanese 18:29

Ho o Pilatusu o tau ma goronaka de waino wohupu la ona wabuhuku de waleha onangika wato, “Ho Una naa ai howono o kia ho hiadono niato kiani ngohi tiurusu?”

Yohanese 18:30

Ma ona yopaluhu ato, “Mia baluhu, mode wiwiaoino ngonaino nako ko iwihitaanuahi wodiaioka duru itotorou?”

Yohanese 19:12

Ka de o Pilatusu woihene o Yesusu ai demo gea de wolingiri ma ngekomo la wato o Yesusu wihiluasa ai kangelaino. Ma ka de wohupuoli o tauino de o Yahudi ma nyawa ihigali-gali yopoa-poaka iwihihawana unangika ato, “Unangoo hoka womahidadioka ti nginioo nia koano ho Una o Kaisara ai musu. Ho done sarakia de ngona nato noigo la o Yesusu gea nihiluasa?”

Hidingoto 24:13

De gea ma titi hiadono ngohi tato to ona gea manga dadae ma demo ngohino ka o homoa ma demo dika, de ona duru ko idadiua yomahitaana abe manga demoino de yagou-goungu, angamoi gea yoeluku dika.

Hidingoto 24:5

Abe ngomi duru wiwietongo unangika gea miato una o nyawa abe ka ihikaika wahikapusaka o nyawa manga hiningaika hiadono o kangela miaohana. De una ka ihikaika wahigaro o Yahudi ma nyawaika la yalawana o Roma ma poparetaika. De gea ngaro nenangoka o Isiraele ma tonakoka de ngaro o dunia ma amokika masara duru ma ngoe idadioka abe una wahikapusaka o nyawa manga hininga hiadono o huruhara idadioka. De una gea wodadioka to ona manga hihira abe o doomu moi ihiromanga ato o Nasaretoka manga doomu.

Roma 13:7

Ho ngini niahidoaka o poparetaika o kia dika abe itiai onangika niahidoaka. Abe o pajaka o kia dika naga abe kiani nifangu, gea nifangu dika. De ngaro nia hingounu de nia horomati, ma enangoo itiai niahidoaka o popareta ma nyawaika angamoi manga tagongo gea Ma Jouoka de aino wahitagongo onangika. Ho irahai la to ngone nanga hingounu de nanga horomati hahidoaka o popareta ma nyawaika.