Lukasa 23:19 - Ma Jou ai Demo-demo o Totobelohoka

¹⁹ Abe ma oraha gea o bui ma tau ma goronaka naga womatengo ai romanga o Barabasa, abe una gea de ai dodiawo yodiai o kokangamo ma kotaka ma titi yalawana manga poparetaika. De nengokadau abe manga popareta yalawana ma gogiriaka de o nyawa watomaka o Barabasa, de genangino ma titi hiadono iwibuika.

Lukasa 23:19 ပူးပေါင်းရင်းမြစ်များ

Maruku 15:7

De ma oraha gea o bui ma tau ma goronaka naga womatengo ai romanga o Barabasa, abe una gea de ai dodiawo yotobadodiai o kokangamo manga poparetaika. De nengokadau abe manga popareta yalawana ma gogiriaka de o nyawa watomaka o Barabasa.

Lukasa 23:18

Masara o nyawa yowoe-woe genangoka ka ma moi yokokipoakiye ato, “Koua! Una gea niaoika la nihohonengoka! Koaho nihihupu o Barabasa ngomino!”

Lukasa 23:2

De ona iwitae-tae o Yesusika o Pilatusu ai himangoka ato, “Una naa abe wahirehene to ngomi mia nyawa, de ko wahigunoaua mia nyawa la yofangu manga pajaka ma tiwi ti ngini o Roma ma nyawa nia koano o Kaisarika. De hongoli Una naa womahingahu abe to ngomi mia Mesia abe ma dihirainohi de Ma Jou womihibehehongo wato ahao wihidingoto ngomiuku la wodadi to ngomi mia koano!”

Lukasa 23:20

Masara o Pilatusu ko womodekua to ona manga hininga angamoi una woigo wihihupu o Yesusu ma rorahaiika, ho una watemoli o nyawa yowoe-woeika de wahitararono ma moioli abe ko wamakeua o Yesusu ai howono ho wato wihihupu dika.

Lukasa 23:5

De ahao ona duru iwiribuutu o Pilatusika ma titi manga demo ma bobuturungino ato, “Masara Una naa ma titi ai dodotokino de duru wahikapusaka o kokawaaha manga hininga la wato yalawana nia poparetaika. Abe nengokadau womulaenge dau o Galilea ma tonakoka de ngaro ka hiadono naa o Yerusaleeme ma kotaino, masara to ngomi mia tonaka mata-mataika de wahikapusakoka o nyawa manga hininga!”

Hidingoto 21:38

Masara ngohi tato bote ngona o Mesiiri ma nyawa gea abe ma dihiraino de nalawana o Roma ma poparetaika! Abe ma oraha gea de nodadi o tobatoma ma nyawa manga hihira de nahihira-hira ona abe yasana iata o tonaka ma kakaahaika la niloara o poparetaka de niaino. Eko gea ko ngonaua?”

Hidingoto 3:14

De gea ngini niwioluku Unangika abe duru wotebi-tebini de duru wototiai. De niwiribuutu o Pilatusu la wihihupu nginika womatengoli abe o nyawa watomaka.