Lukasa 23:10 - Ma Jou ai Demo-demo o Totobelohoka

¹⁰ De ma oraha wileha-leha de o hidemo ma nyawa manga hohidimono de ona abe o Musa ai Pareta yotobadotoko ona yomahitigika. De gea manga hininga ma ngamoino de ona iwitae-tae o Yesusika de manga demo ma bobuturungu.

Lukasa 23:10 ပူးပေါင်းရင်းမြစ်များ

Matiusu 27:12

De ahao o Yahudi ma nyawa manga hohidimono, abe utu onangino manga hidemo Ma Jouiye manga hohidimono yokokurutiye, ona yoboaino de iwitae-tae o Yesusika. Masara o Yesusu ka womarii-riidoka dika, ko wopaluhua.

Lukasa 11:53

De o Yesusu wotemo ibooto de ka wosobo o Farisi ma nyawa gea ai tauoka de waino. De ma oraha gea de imahikaika o Farisi ma nyawa de ona abe yotobadotoko o Musa ai Paretaino ona mata-mata duru iwingamoholi Unangika. De iwiao ko itiaiokaua de ka ihikaika iwileha-leha abe ma titi ma ngoe,

Lukasa 23:11

De o Herodese de ai tentara ma nyawa ona iwingelo de iwihohedu o Yesusika. De iwihinoauku Unanguku o baju duru ma hohailoa la genangino de iwihohedu ma titi womahingahu abe Una o Yahudi ma nyawa manga koano. De iwihinoaukuoka de ahao o Herodese wihigilio o Yesusu o Pilatusika.

Lukasa 23:2

De ona iwitae-tae o Yesusika o Pilatusu ai himangoka ato, “Una naa abe wahirehene to ngomi mia nyawa, de ko wahigunoaua mia nyawa la yofangu manga pajaka ma tiwi ti ngini o Roma ma nyawa nia koano o Kaisarika. De hongoli Una naa womahingahu abe to ngomi mia Mesia abe ma dihirainohi de Ma Jou womihibehehongo wato ahao wihidingoto ngomiuku la wodadi to ngomi mia koano!”

Lukasa 23:5

De ahao ona duru iwiribuutu o Pilatusika ma titi manga demo ma bobuturungino ato, “Masara Una naa ma titi ai dodotokino de duru wahikapusaka o kokawaaha manga hininga la wato yalawana nia poparetaika. Abe nengokadau womulaenge dau o Galilea ma tonakoka de ngaro ka hiadono naa o Yerusaleeme ma kotaino, masara to ngomi mia tonaka mata-mataika de wahikapusakoka o nyawa manga hininga!”

Lukasa 23:9

De o Herodese duru wileha o Yesusika de o leleha ma ngoe, masara moioo de ko iwa abe o Yesusu wopaluhu unangika.

Hidingoto 24:5

Abe ngomi duru wiwietongo unangika gea miato una o nyawa abe ka ihikaika wahikapusaka o nyawa manga hiningaika hiadono o kangela miaohana. De una ka ihikaika wahigaro o Yahudi ma nyawaika la yalawana o Roma ma poparetaika. De gea ngaro nenangoka o Isiraele ma tonakoka de ngaro o dunia ma amokika masara duru ma ngoe idadioka abe una wahikapusaka o nyawa manga hininga hiadono o huruhara idadioka. De una gea wodadioka to ona manga hihira abe o doomu moi ihiromanga ato o Nasaretoka manga doomu.