Lukasa 22:61 - Ma Jou ai Demo-demo o Totobelohoka

⁶¹ De duru ma oraha gea de nanga Baluhu idodutu doka womadogilioro de womalega o Peturusika. De ahao o Peturusu wohininga abe nanga Baluhu ai demo kanganoika abe wato, “Bootino o futu naa dika abe ko itebinuahi, de ngona naa nohioluku ma hangeou. Abe o kuru-kuru ko atailuahi de ngona naa nohioluku ma hange ibooto.”

Lukasa 22:61 ပူးပေါင်းရင်းမြစ်များ

Hosea 11:8

Masara ngaro Ma Jou ai hiningaka de duru wangamo onangika, gea wohigila-gila ai demo wato, “Masara Ngohi naa done sarakia de tinihidoaka ngini la ahao inihibinaaha? Ngini naa o Isiraele ma nyawa nidadioka ahi ngofaka, ho ko idadiua tinihihononga tinihihupu ma homoaika. Duru ko tadadiua tinihohowono de o bobinaaha abe imaketero hoka ma kota hinooto gea ma dihiraino o Adima de o Seboimi. Angamoi ahi hininga aturuuruoka ma titi ahi dora ma hiokoo duru itagi nginika!

Matiusu 26:34

De ahao o Yesusu witemo wato, “Ahi dodiawo, naa tagoungu tonihingahu, bootino o futu naa dika abe ko itebinuahi, de ngona naa nohioluku. Abe bootino o kuru-kuru ko atailuahi de ngona naa nohiolukoka ma hange ibooto.”

Matiusu 26:75

De ka de gea woihene de o Yesusu ai demo unangika kanganoika gea wohininga abe o Yesusu wotemoka wato, “O futu naa dika de nako hiadono o kuru-kuru atailoka de ngona naa nohiolukoka ma hange ibooto.” De gea o Peturusu ai hininga duru ihuhaholi hiadono wosoboka de woari waamo-amokiye.

Maruku 5:30

Masara gea ka de ai baju maso de o Yesusu wamaoka de wohiorikoka abe naga ai kuaha itagioka ai badangoka de aika o nyawaika, de womadogilioro o nyawa manga hidogoronaka de woleha wato, “Onagona ahi baju yaso?”

Lukasa 10:41

Masara o Yesusu womipaluhu wato, “Ngohi ora, o ngo Marata, ngona ka nopusingiholi de ani hininga aruwaeoka angamoi nafikiri ma titi ma ngoeika.

Lukasa 22:34

Masara o Yesusu wipaluhu wato, “Peturusu, abeika notoihene ahi demoino naa tonihingahu ngonaika. Bootino o futu naa dika abe ko itebinuahi, de ngona naa nohioluku ma hangeou. Abe o kuru-kuru ko atailuahi de ngona naa nohioluku ma hange ibooto abe nohihioriki Ngohino.”

Lukasa 22:60

Masara o Peturusu ka de woihene ai demo de womademo wato, “Koua! De duru ko tomangaratiiua ani demo ma dumutu hokokia.” Ka de ai demo gea ipaata ai uruoka de aino de o kuru-kuru ataili.

Lukasa 22:62

Ho o Peturusu ka wanoaka ma tau ma loa gea de wohupuika de ahao duru woari-ari ma titi ai hininga ma huha.

Lukasa 7:13

Ho ka de o Yesusu womimake o ngo bao gea de ai hiningaka duru iwilufungu de o dora ma hiokoo ho woiki munangika de womitemo wato, “Ibootohi noari.”

Lukasa 7:19

De wahokino de wahibehehongo wato, “Ngini kiani niloiki niwitutumu o Yesusu de niwileha Unangika niato, ‘Sarakia, Ngona naa nagou-goungu to ngomi mia Behehongo abe ma dodihiraino de Ma Jou womihibehehongoka? Eko koaho womatengoli ngomi wiwilingiri abe Una wodadi mia Behehongo Ma Jouino?’”

Yohanese 13:38

De o Yesusu wipaluhu o Peturusika wato, “Sarakia gea nagoungu noigo nohonenge la nato nohiduhunu? Ngohi duru tagou-goungu tonihingahu, bootino abe o kuru-kuru ma nauru ko atailuahi de ngona naa o nyawa manga himangoka nohioluku ma hangeou!” Hokogea o Yesusu ai babaluhu o Peturusika.

Hidingoto 5:31

De wihimomiki ipaha de ahao Ma Jou wigorakiye de wihigogere ai nirakoka la o Yesusu Unangoo wahikoano ai nyawaika de ka idadi waduhunu manga howo-howonino. De hokogea Ma Jou wigorakiye o Yesusu la Unangino de o Isiraele ma nyawa ka idadi yotoba manga howonino la gea o Yesusu waofi manga howo-howono.

Efesusu 2:11

De abe ngini ko o Yahudi ma nyawaua, abeika nimahohininga abe ngini hokokia ma dihiraino. Abe ma oraha gea o Yahudi ma nyawa iniemono nginika angamoi ngini inietongo ko o huhuna ma nyawaua. De nako ona o Yahudi ma nyawa, ona gea yomagoraka abe ma titi ona yomahunaka ho yamao abe ona yororahai dika Ma Jou ai himangoka. De gea ngone hohioriki abe o huhuna gea o nyawa manga giama dika ma karajaanga abe yodiai manga badanga ma poretino de gea ko yaduhunua manga hiningaika. Masara ona gea ato bote yaduhunu ona Ma Jou ai himangoka la wasanangi onangika, de gea ho hiadono ona yomagoraka.

Himatoko 2:5

Ho gea tato ngini kiani nimahihohininga abe ngini hokokia nia dora ma dodihiraka de ma oraha naa hokokia ma gurutuku nirubaka. De ngini kiani nitoba genangino de niogilio la nianiikoli nia wowango ma datoro abe hoka ma dodihiraka nia ngongaku ma wowangoka. De masara nako ngini ko nitobaua, gea Ngohi ahao toboa nginika de tagoraka ti ngini nia posi ma liate to ena ma ngiino la gea nia gareja ma doomu ahao ihikapusakoka. De hokogea ahao kiani Ngohi todiai nako hoka ngini ko nitobaua.