Lukasa 22:60 - Ma Jou ai Demo-demo o Totobelohoka

⁶⁰ Masara o Peturusu ka de woihene ai demo de womademo wato, “Koua! De duru ko tomangaratiiua ani demo ma dumutu hokokia.” Ka de ai demo gea ipaata ai uruoka de aino de o kuru-kuru ataili.

Lukasa 22:60 ပူးပေါင်းရင်းမြစ်များ

Matiusu 26:34

De ahao o Yesusu witemo wato, “Ahi dodiawo, naa tagoungu tonihingahu, bootino o futu naa dika abe ko itebinuahi, de ngona naa nohioluku. Abe bootino o kuru-kuru ko atailuahi de ngona naa nohiolukoka ma hange ibooto.”

Lukasa 22:34

Masara o Yesusu wipaluhu wato, “Peturusu, abeika notoihene ahi demoino naa tonihingahu ngonaika. Bootino o futu naa dika abe ko itebinuahi, de ngona naa nohioluku ma hangeou. Abe o kuru-kuru ko atailuahi de ngona naa nohioluku ma hange ibooto abe nohihioriki Ngohino.”

Lukasa 22:59

De ngade-ngade o jam moioli ipahaino de ahao womatengoli wimake de duru wihioriki ho wahingahu onangika de ai demo ma bobuturungu wato, “Ngohi naa ko tahowonua de duru tohioriki abe una naa witobaniiki Unangika abe ma oraha naa iwiurusu, angamoi itararono unangoo naa o Galilea ma tonakoka ma nyawa!”

Lukasa 22:61

De duru ma oraha gea de nanga Baluhu idodutu doka womadogilioro de womalega o Peturusika. De ahao o Peturusu wohininga abe nanga Baluhu ai demo kanganoika abe wato, “Bootino o futu naa dika abe ko itebinuahi, de ngona naa nohioluku ma hangeou. Abe o kuru-kuru ko atailuahi de ngona naa nohioluku ma hange ibooto.”

Yohanese 18:27

De ma moioli o Peturusu womahipongono wato, “Koua!” Masara ka de manga demo gea waoluku de imulaenge o kuru-kuru ataili.