Lukasa 22:40 - Ma Jou ai Demo-demo o Totobelohoka

⁴⁰ De yomahiadonoka ma ngi de Una watemo onangika wato, “Ngini kiani nimaniata la ufa o hiatara inihikala nginika la hiadono niahowono.”

Lukasa 22:40 ပူးပေါင်းရင်းမြစ်များ

Higiriiri 19:13

De tomagahokoo nohiduhunu la ufa hiadono gea abe tohiorikoka o howono masara ka uku dika todiai, ufa hiadono ma howono hokogea imahilaku ahi hiningaka! La ngohi ka idadi ahi wowango itotiai dika ani himangoka, de ahi hininga naetongo nato ka itebi-tebini dika!

Matiusu 6:13

De ngomi mimagahoko la ma oraha imihitaili de o dorou de Ngona ufa nohigunoa la miruba o howonuku, masara duru mioigo la nomiduhunu de nomihirehene abe ena o Tobadorou ma kuahaino la done imihikala ngomino. [De ngomi mimaniata ka Ngonaika dika angamoi Ngona dika naga de ani kuahaka la mata-mataika nohipareta. De ma titi ani medebini ma dararono ikokurutiye, ho duru itiai abe ka Ngona dika namake nanga higiriiri naa de ka hiado-adonika. Amin.]’” De ahao o Yesusu wotemo wato, “Hokogea ma demo abe ngini ka idadi nianiiki abe ma oraha nimaniata nia Babaiye.”

Lukasa 11:4

De abe ma titi to ngomi mia howo-howono Ngonaika, gea ngomi mimagahoko la Ngona naofi mia howono abe imaketero hoka ngomioo miaofi o nyawa utu manga howono abe yodiaioka ngomino. De ngomi mimagahokoo la ma oraha imihitaili de o dorou de Ngona ufa nomihigunoa la miruba o howonuku, done imihikala ngomino.’” Hokogea o Yesusu wadotoko onangika.

Lukasa 22:46

De o Yesusu watumomiki de wataere onangika wato, “Ngini naa adodoa ho inikiooko? Kiani niwangoro de nimaniata Ma Jouiye la ufa ma dorou inihiatara la hiadono niahowono Unangika.”

1 Peturusu 4:7

De naa tinihihohininga nginika abe o dunia ma bobaha itigioka. Ho mangale gea itigioka ho ngaro o kia dika niohimanga masara ngini nimatongohono ma dorouino de nihidodiai la ka ihikaika nimaniata.

Himatoko 3:10

“De ngini ngaro nia kangela ma goronaka ma nimatongohono nia ngongakuoka de ko nirehenua genangino, abe gea imaketero hoka ma dihiraino tinihulokoka la nimatongohono. Ho ma titi nia dongohono gea ho Ngohi ahao tinidatoko o kangelaino abe ko itedekanokaua de o kangela ma amoko yadaene o nyawa mata-mata o dunia ma amokika. Angamoi ma oraha gea o dunia ma nyawa mata-mataika yataili manga ngongaku ma hidumutu gea o kiaika. Masara gea ngini tinidatoko genangino.