Lukasa 22:38 - Ma Jou ai Demo-demo o Totobelohoka

³⁸ De ona yotemo Unangika ato, “Mia Baluhu, ngomioka naga mia humaranga o gahumu hinooto.” De Una wopaluhu wato, “Gea iniwedono.”

Lukasa 22:38 ပူးပေါင်းရင်းမြစ်များ

Matiusu 26:51

De ahao ka itodokanino de womatengo abe o Yesusu iwinii-niikino womahitigi-tigino de ai humaranga womagoraka de womatengo wioto hiadono ai ngauku wahahangoka. Abe una gea ai ngauku wahahangoka, una manga hidemo Ma Jouiye manga baluhu wokokurutiye ai gilaongo.

Lukasa 22:36

De ahao o Yesusu wotemo onangika wato, “Masara abe ma oraha naa imakohowonoka. Ho nako naga nia tiwi nia popojeoka de nia beta-beta la nia kiahonanga nihilulu genangino, gea kiani nimagao la nimahidailako. De hokogenangoo ngini onagona dika abe ko iwa nia humaranga koaho nia baju moiani nifukunu la genangino ma tiwi de ka idadi o humaranga nimaijaino.

Lukasa 22:49

De abe iwinii-niiki utu ka de yamake abe o kia idadi Unangika de iwileha ato, “Mia Baluhu, sarakia, koaho minihiboa abe miahilawana de mia humaranga onangika?”

Yohanese 18:36

De o Yesusu wihingahu o Pilatusika wato, “Ahi kuaha ko o duniakaua de aino la hiadono ka idadi o nyawa tahikoano. Angamoi nako hokogea ahao naga ahi gogoana ka idadi yapoa ihiduhunu la ufa ahi gogianongoru o Yahudi ma nyawa naa ihitaoko hokonaa. Masara to Ngohi ahi kuaha ko o duniainoua, ma, o ngi moiokali de aino hiadono ka idadi o nyawa tahikoano.”

1 Tesalonika 5:8

Masara mangale ma titi ngone hodadioka o dawange ma nyawa, ho hiadono ngone naa kiani homatongohono ma dorouino. De gea ngone kiani nanga ngongaku de nanga dora gea homahinoauku ngoneuku la gea ena idadi hoka nanga dadatoko ma baju de inadatoko ma dorouino. De nagali nanga nganganono abe ahao ma wange gea de nanga Baluhu ko wonahohowonua masara wonagoraka ngone daku o Horogaiye. De nanga nganganono gea ka idadi hohiketero abe hoka nanga pea ma dadatoko ma sapeo, angamoi ngone kiani ka ihikaika homahihohininga ma titi nanga nganganono la nanga hiningaka atatoko de hiadono ufa hopusingi abe ma titi o hohowono.

1 Peturusu 5:9

De ngini kiani nibitumoka nia boringongakuoka angamoi genangino de ngini kiani nialawana o Ibilihi ma haekika gea. De ufa niafikiri niato ka ngini dika abe ena gea inihikangela, angamoi hohiorikoka abe nia gogianongoru mata-mataika o dunia ma amokika, onangoo o kangela yaohana abe imaketero hoka nginioli naa niaohana.