Lukasa 22:15 - Ma Jou ai Demo-demo o Totobelohoka

¹⁵ De o Yesusu wotemo onangika wato, “Ngohi ma dekaninohi tododamaa de tongano-nganono ma oraha naa ena, abe duru toigo la ahi kokangela ko ihidaenuahi de ka idadi o Totilakuru ma ngolo-ngolomo naa homakokutuono holomo.

Lukasa 22:15 ပူးပေါင်းရင်းမြစ်များ

Lukasa 12:50

De ngaro Ngohi toigo la ma hikeregu imulaengoka, masara Ngohi tohioriki abe ma oraha gea imulaenge de nagali iboa to Ngohi ahi kangela ma amoko abe kiani Ngohi taohana. De gea duru toigo la imataiti iboaino ahi kangela la hatoli imataiti ipaha, angamoi ahi hininga duru ihuha abe ko ibootuahi ma kangela gea.”

Lukasa 22:14

De ipahaino ma wange ihohomuku de ahao Una de yangimoi de yahinooto abe wahiromangoka ai hidingoto ma nyawa, ona yomatoomuino de yogogeruku ihigororomino ma mejaka la yolomo.

Lukasa 22:16

De naa tagou-goungu tinihingahu, naa ma batingi abe o Totilakuru ma ngolo-ngolomo gea ko tolomokauahi. Masara ahao abe ma oraha ahi Baba Ma Jou wahikoano o nyawa, gea de ahao ka idadioli tolomo ma Totilakuru ma ngolo-ngolomo. Abe ma oraha gea ahi Baba wohingodumoka o Totilakuru ma rame-rame ma titi ho ai duduhunu o nyawaika duru ingodumoka, ahao gea ka idadi taniikoli.”

Yohanese 13:1

Ngade-ngade adonoka o Totilakuru ma rame-rame abe ma dawangeino de o Totilakuru ma inomo yolomo. De gea o Yesusu wohioriki ai gahe adonoka abe kiani o dunia wanoa la wolio ai Babaiye. De o nyawa o duniaka abe yodadioka to Una ai nyawa, ko iwa ma oraha la o Yesusu ko wadoraua. Masara naa de ahao wahimatoko to Una ai nyawaika abe ai dora ma gahumu onangika hiadono ngaro wohidohonenge masara duru ko itoakua ai dora gea.

Yohanese 17:1

Ka de o Yesusu ai behehongo gea wahingahu ona iwitobaniikika ibooto de ahao womamatagaiye o Horogaiye de womaniata wato, “Ahi Baba, ahi kangela ma oraha adonoka! Ho Ngohi ani Ngofaka naa ahi medebini ma dararono nahimatoko o nyawaika! Nodiai la gea ka idadi to Ngonali ani medebini ma dararono Ngohi ani Ngofaka tahimatoko onangika.

Yohanese 4:34

Ho angamoi yomakokeleha hokogea, o Yesusu wahingahu onangika wato, “To Ngohi ahi inomo, gea ahi hingounu to Una ai mauika abe wohihidingotino. Abe naga o karajaanga wohihidoaka Ngohino de kiani gea tabootokahi, ho ahi karajaanga gea to Ngohi ahi inomo.” Hokogea o Yesusu wahitararono ona iwitobanii-niikika.