Lukasa 22:12 - Ma Jou ai Demo-demo o Totobelohoka

¹² De gea ma tau ma dutu ahao una winihidumutu nginika o ngi moi duru ilamoko abe ma dangiri ilape hinootoiye. Dakenangoka ma kiahonanga mata-mata ingodu-ngodumoka. De genangoka ngini ninahidiai nanga Totilakuru ma rame-rame ma ngolo-ngolomo.” Hokogea o Yesusu ai behehongo abe ona yahinootoika.

Lukasa 22:12 ပူးပေါင်းရင်းမြစ်များ

Lukasa 22:11

Genangoka de ahao womatengoli niwimake abe o tau ma dutu, de unangika niwitemo kiani hokonaa, niato, ‘Hobata, mia guru wohibehehongo wato, “Ma hibau-bau ma ngi o kiaka abe bootino Ngohi de ihinii-niiki genangoka miolomo abe o Totilakuru ma rame-rame ma inomo?”’

Lukasa 22:13

Wahibehehongo ibooto de ahao ona yahinooto gea yosobo yoiki doka ma kotaika. De ma kotaka aika de idadi duru imaketero hoka o Yesusu wotemoka mata-mata. Ho ma ngi gea yomahiadonoka de ona ihidiai o Totilakuru ma rame-rame ma inomo ka hiadono ihidiai ibooto.

Yohanese 21:17

Ma ka de wihulokoli hokogea de o Yesusu wilehali o Peturusika wato, “Simono, to Yohanese ai ngofaka, ngona nagoungu nohidora Ngohi?” De o Peturusu naa ai hininga duru ihuhaka ma titi naa ma hangeou o Yesusu wileha wato, “Igoungu ngona nohidora Ngohi?” Ho o Peturusu wopaluhu o Yesusika wato, “Ahi Baluhu ko iwa moi la Ngona ko nohiorikua, ho ka Ngonahi nohioriki abe tagoungu tonidora.” De o Yesusu wihibehehongoli wato, “Ngona kiani ahi domba natofo.”

Hidingoto 1:13

De yomahiadonoka manga dodogumu ma tauika de yodoa ma lape hinootoiye angamoi genangoka manga ngi. De manga doomuoka gea naga o Peturusu, de o Yohanese, de o Yakobusu, de o Andareasa, de o Filipusu, de o Tomasa. De nagali o Batolomeusu, de o Matiusu, de o Yakobusu to Alefeusu ai ngofaka, de o Simono abe una o Seloto ma dodoomuino ma nyawa, de nagahi o Yudasa to Yakobusu ai ngofaka.

Hidingoto 20:8

De ma futu gea ngomi mimatoomuino o tau ma lape hangeoka, de naga o posi ma ngoe abe ihitararono ma kamarika.