Lukasa 22:11 - Ma Jou ai Demo-demo o Totobelohoka

¹¹ Genangoka de ahao womatengoli niwimake abe o tau ma dutu, de unangika niwitemo kiani hokonaa, niato, ‘Hobata, mia guru wohibehehongo wato, “Ma hibau-bau ma ngi o kiaka abe bootino Ngohi de ihinii-niiki genangoka miolomo abe o Totilakuru ma rame-rame ma inomo?”’

Lukasa 22:11 ပူးပေါင်းရင်းမြစ်များ

Matiusu 21:3

Masara nako o nyawa initaere ato, ‘Nihidodoa ho manga keledai gea de niahohe?’, gea de ahao kiani niapaluhu onangika hokonaa, niato, ‘Mia Baluhu Una woperelu.’ De nako nianiiki ahi demo gea de ahao ka yosanangi dika ihidingoto ma aewani Ngohino.”

Maruku 14:14

hiadono wolio ai tauika. Genangoka de ahao womatengoli niwimake abe o tau ma dutu, de unangika niwitemo kiani hokonaa ma demo. Abe gea nitemo niato, ‘Hobata, mia Guru wohibehehongo wato, “Ma hibau-bau ma ngi o kiaka abe bootino Ngohi de abe ihinii-niiki genangoka miolomo o Totilakuru ma rame-rame ma inomo?”’”

Lukasa 19:31

Masara nako o nyawa initaere ato, ‘Nihidodoa ho o keledai ma ngofaka gea niahohe?’, gea de ahao kiani niapaluhu onangika hokonaa, niato, ‘Mia Baluhu Una woperelu.’”

Lukasa 19:34

De ona yahinooto ka yopaluhu ato, “Mia Baluhu woperelu.” Ho ma dutu yahigunoa la ma aewani gea yaoika.

Lukasa 19:5

De o Yesusu womahiadono ma gota ma timiuku de widomatagaiye o Sakeusiye de wato, “Sakeusu, ngona nomataiti noutiuku naanguku la homakiniiki to ngona ani tauika, angamoi o wange naa kiani totuluohi jai-jai to ngona ani tauoka.”

Lukasa 22:10

De wopaluhu wato, “Ngini niloikohi doka o Yerusaleeme ma kotaiye. De doka ngini niaika de ahao niwimake womatengo o akere wohiono-onoko de ai boto ma amoko. Una gea kiani niwiniiki hiadono wowohama o tau moiika.

Lukasa 22:12

De gea ma tau ma dutu ahao una winihidumutu nginika o ngi moi duru ilamoko abe ma dangiri ilape hinootoiye. Dakenangoka ma kiahonanga mata-mata ingodu-ngodumoka. De genangoka ngini ninahidiai nanga Totilakuru ma rame-rame ma ngolo-ngolomo.” Hokogea o Yesusu ai behehongo abe ona yahinootoika.

Yohanese 11:28

Gea o ngo Marata motemo ibooto de ahao moiki momigilio ngomi dodotika, o ngo Maria gea, de momitauru de momihihuduika dika munangika mato, “Nanga Guru woboaka de wonibehehongo.”

Himatoko 3:20

Abeika nitotoihene tomahiketero! Ngohi naga ti ngini nia tau homoi-homoi nia ngoranoka de tiniahoko tato towohama nia tau ma goronaika. De nako onagona dika yoihene ahi ilingi de gea ma ngorana ihibelenga, gea Ngohi towohamino la ona de Ngohi homakutuono holomo, abe gea ngone duru homaketedodiawo.”