Lukasa 21:30 - Ma Jou ai Demo-demo o Totobelohoka

³⁰ Abe nako ma jaga-jaga iboleoka de hiadono ihokali, gea ka de hamake de hohiorikoka hato, ‘O, marai itigioka o hiwara ma oraha, angamoi hamakeoka ma dodunguu ma hokaino.’

Lukasa 21:30 ပူးပေါင်းရင်းမြစ်များ

Matiusu 24:32

De o Yesusu wogila-gilali wahitararono onangika wato, “Abeika tohiketero. Nako o gogilioro ma gota, ka idadi genangino homadotoko, e? Abe nako ma jaga-jaga iboleoka de ihokaka, gea ka de hamake de hohiorikoka hato, ‘O, marai itigioka o hiwara ma oraha, angamoi hamakeoka ma dodunguu.’

Lukasa 12:57

“Ho ngini naa tanu koaho nimafikiri de nimaputuhu la nihioriki o kia itiai nia wowangoka. Abe ma titi kiani nianiiki ma totiai la ufa Ma Jou winiurusu de hiadono winihohowono.

Lukasa 21:29

De ahao o Yesusu woade-ade de o hiketero ma ade-ade onangika wato, “Abeika nimafikirohi o gogilioro ma gota eko o gota utuino.

2 Korintusu 13:5

De naa ngohi tinihigaro nginika tato ufa nihitailako to ngohi ahi wowango, masara koaho irahai ngini nimatailakohi ngini ma hirete de nimafikirohi la nihioriki nako niagou-goungu niwingaku o Yesusika eko koua. De ngini nihiorikoka abe nako niwingakuoka Unangika, gea o Yesusu Kristusu womanoa nginioka. Masara nako hoka ko niwingakua gea ahao Una ko iwiwa nginioka. De genangino de ngini ka idadi duru nihioriki abe o Yesusu Kristusu naga womanoa ti ngini nia badanga homoi-homoioka iti nia ngongaku naga Unangika.