Lukasa 21:15 - Ma Jou ai Demo-demo o Totobelohoka

¹⁵ Gea koua, masara ma oraha adonoka de ahao Ngohi tinihidoaka nginika la nia uru ma demoino de duru isosawaro. La gea nitemo ipaha de ko moiua abe inilawa-lawana ka idadi yopaluhu nia demoika ho ko idadiua inihikala nia demoino gea.”

Lukasa 21:15 ပူးပေါင်းရင်းမြစ်များ

Sosawaro 2:6

Mangale Ma Jou o Yawe woigo wonahidoaka o sosawaro ngoneino! De o sosawaro gea wonahidoaka de o tobahioriki ma demo abe to Una ai uruoka de aino. Abe o sosawaro ma demo nagaoo ma hitararono la hiadono ngone homangaratii Ma Jou ai demo ma titi.

Lukasa 12:12

Angamoi ma oraha gea abe ngini nimaokoino o nyawa yokurutiye manga hima-himangoka de Ma Jou o Womaha Una winidotoko abe hokokia ahao nitemo.”

Lukasa 21:16

“De nagaoo ahao idadi hokonaa ngini utuika, abe ngaro nimahitau moi eko nimaketedodiawo masara ko nimaketehiningamoiua. Ho ahao idadi abe nia dimono eko nia ria-dodoto eko nia dutu adaene eko nia dodiawo de ona inihidoaka o nyawaika la iniurusu, de ngini utu ma bahauku de inihohonenge.

Lukasa 24:45

De ahao Una wafelenga manga hininga la ka idadi ona yataoko itiai Ma Jou ai Demo-demoino.

Hidingoto 2:4

De duru ma oraha gea dika de ona mata-mataika yakokilufungoka de Ma Jou o Womaha, ho ona yotemo-temo de o demo utuoli abe hokokia dika Ma Jou o Womaha wahiakunu ona homoi-homoiika.

Hidingoto 24:25

De una duru wahigaro onangika abe ma titi Ma Jou ai totiai ma ngekomo de abe hokokia ngone kiani homatongohono la ufa hahowono Unangika. De nagali wahitiari ma titi abe Ma Jou ahao woboali de wonahohowono ngone o nyawa mata-mataika. De abe ma oraha o Paulusu wahingahu-ngahu gea mata-mata onangika de ma gubernuuru o Felikisi una duru wohawanoka, ho una wotemo o Paulusika wato, “Naa ngona ka idadi nolio dika ani ngiika, de ahao muruonoka dika abe nako naga ahi oraha de ahao tonibehehongoli.”

Hidingoto 26:28

De o Agaripa wipaluhu wato, “Ho mode ngona naa nato bote ani demo muruono dika de genangino ngohi tingaku o Kristusika?”

Hidingoto 6:10

De ngaro yomaketeribuutu masara moioo de ko iwa abe ka idadi iwihikala o Setefanusu ma titi ai demoino angamoi una iwihipareta de Ma Jou o Womaha ho duru wososawaro wotemo.

Efesusu 6:19

De gea togahoko la ngohioo ngini nihigahoko Unangiye la ma oraha ona yotobauru-urusu manga himangoka de Una ka idadi wohihidoaka ma demo abe duru itaana, de ka hiadono Una wohihitomoroini ngohino hiadono ka ihimoroini tohingahu onangika ma titi o Abari ma Rorahai. Abe ai dogogono ma Abari gea ma dihiraino de ka agogonohi masara naa ngohi tato tahitararono o Abari ma Rorahai gea la o nyawa yataoko duru itararono.

Yakobusu 1:5

De nako hoka naga nia gianongoru abe wamao ai hiningaka abe ai sosawaro ka ikurangohi ho ko wohiorikua ai wowango ma datoro hokokia wodiai la itaana de Ma Jou ai mau, una gea koaho o sosawaro womagahoko Ma Jouino. Angamoi Una gea duru de ai hininga ma gahumu wonahidoaka ai sosawaro ngoneino de ko wonataerua, ho nako ai sosawaro ngone homagahoko Unangino, gea ahao wonahidoaka.