Lukasa 21:1 - Ma Jou ai Demo-demo o Totobelohoka

¹ De ma oraha gea o Yesusu nagahi Ma Jou ai Tauoka angamoi kanganoinohi de wadotoko o nyawaika. De ahao Una womalega Ma Jou ai Tau ma petika, abe ma peti ma goronauku gea o nyawa yotobanoa manga tiwi abe yato yahidoaka Ma Jou ai Tau ma karajaangika. De walega-lega ma oraha ona abe de manga tiwi-tiwioka yatotilakuru de yonoa manga hidoaka ma peti ma goronauku.

Lukasa 21:1 ပူးပေါင်းရင်းမြစ်များ

1 Kokoano 14:26

De o Sisaka gea wangika hiadono wongohama Ma Jou o Yawe ai Tau de wale ma kiahonanga abe duru de ma ijaka. De hokogenangoo wodiai o koano o Rehabeama ai tau ma goronaka abe womale ma kiahonanga mata-mata abe duru ma hali-hali ka hiadono o parangi ma dadatoko abe o Saloomo wodiai o gurasino enangoo waleoka.

2 Kokoano 24:13

De ahao idadi duru imaketero abe hoka ma dihira Ma Jou o Yawe wahingahuoka abe o Nebukanesara una wakokile manga kiahonanga mata-mata abe yodiai o gurasino ho duru ma hali-hali. De ena ma kiahonanga mata-mata abe ma dihira o Saloomo wodiai o gurasino de wohingohama Ma Jou o Yawe ai Tau ma goronaika, de ai kiahonanga utu abe una wapake o koano ai tau ma goronaka, enangoo mata-mata yakokile. De ena gea o Babele ma nyawa yatobi-tobikuku la ona ka idadi yakokiao o Babele ma kotaika.

Matiusu 27:6

De o Yudasa wanoaikaka de o hidemo Ma Jouiye manga hohidimono yokokurutiye ona gea yagoraka ma tiwi de yomakoketemo abe koaho hokokia ihipake. De ona ato, “Nako nanga Pareta haniiki, ma tiwi naa ena ko idadiua hohidogo Ma Jou ai Tau ma tiwika, angamoi naa idadioka o doma ma hewa ma tiwi.”

Lukasa 20:47

De ona gea o ngo-ngofeka abe yofao yarusi abe yaora onangino manga tau de manga kiahonangoo. De gea barikua yodiaioka yofao-faoika de ipahaino ahao o nyawa manga hima-himangoka de yomaniata ma dekanoka la ato manga totiai yahimatoko o nyawa utuika. Ho gea Ngohi tato ona abe yotobadoto-dotoko o Musa ai Paretaino ahao ka to onangohi manga hohowono duru ikiria.” Hokogea o Yesusu wahitiari ona mata-mataika.

Yohanese 8:20

O Yesusu ai demo-demo mata-mata naa wahingahu Ma Jou ai Tau ma loa ma honongaka abe genangoka akelenga o nyawa manga hidoaka ma tiwi ma ngi. Tanu ma oraha gea o nyawa ato iwitaoko masara ma oraha ko adonuahi abe iwihohonenge, ho ko iwihidadiuahi iwitaoko.

Yosua 6:19

Bowahu dika manga kiahonanga abe yodiai o gurasino, de o haakaino, de o tabaagaino, de o behino, gea enangoo mata-mata hidingakika Ma Jou o Yaweika. Ho gea ena dika hagoraka de ahao hohingohama to Ma Jou ai gogogono ma ngi ma goronaika la ma hali-hali gea hihitouna.” Hokogea o Yosua wadotoko o Isiraele ma nyawaika abe kiani yodiai ma oraha ona o Yeriko ma kotaka Ma Jou o Yawe wahikala.

Yosua 6:24

De ahao o Isiraele ma nyawa o Yeriko ma kota ihidutufuku ka ma moi de o nyawa manga honenge, de manga aewani ma honenge, de manga kiahonanga yahidutufukoka. Masara manga gurasi, de manga haaka, de manga tabaaga, de manga behi ihihupuokahi de ahao ihidutufuku. Angamoi kiani ma hali-hali gea ena ihingohama Ma Jou o Yawe ai gogogono ma ngiika.