“Ho mangale ma titi manga hininga hokogea ho Ngohi ahao todiaioli o heheranga manga hidogoronaino. De ma heheranga gea duru o fara moi abe yahitodokana onangika. De genangino ahao tahimatoko abe o nyawa manga sosawaro gea ko kia-kiaua, de ngaro o nyawa abe duru de manga tobahiorikoka masara manga hininga ko aboaikaua genangika!”
Lukasa 20:7 - Ma Jou ai Demo-demo o Totobelohoka7 Ho ma bahauku de manga hohidimono gea iwitemo o Yesusika ato, “Marai gea ko mihiorikua.” အခန်းကိုကြည့်ပါ။ |
Lukasa 20:7
18 ပူးပေါင်းရင်းမြစ်များ
De masara nako hipaluhu hato, ‘O nyawaka de aino dika ai kuaha,’ de done sarakia, angamoi nanga kokawaaha ona ko manga ngoe iwingaku o Yohanese una Ma Jou ai uru ma dodofanga womatengo. Ho nako hipaluhu hokogea ahao ma kokawaaha duru inangamo ngoneino de marai inahakaru la ato inahohonenge! Ho ngone done sarakia?”
De ahao o Yesusu wotemo wato, “Angamoi gea ngini ko nipaluhua, Ngohioo toluku topaluhu nia leleha. Ho ko tinihingahua abe ma titi ahi kuaha o kiaino la ka idadi o nyawa gea taduhu Ma Jou ai Tauoka de aino.” Hokogea idadi abe o Yesusu de o Yahudi ma nyawa manga hohidimono yomakoketemo, de manga demo o Yesusu wahikala abe to ona manga hininga wohikawalimi.
De o Yesusu wihingahu unangika wato, “Ngohi naa toboa o duniauku naa la ka idadi o nyawa manga howono tahidumutu onangika. Hokogea tahitararono manga howono la ona yorafioka ka idadi yomahioriki, masara abe ona yomagoraka de yomahingahu ato ka idadi yomahioriki, onangika gea tahidadi la yorafioka.” Hokogea o Yesusu wohiketero ma titi o nyawa manga howono wahidumutu.
De naa moi abe kiani ngini duru nihioriki itararono, abe nako nanga Baluhu idodutu ai gahe abe ahao woboali, gea duru wagoungu woboa nako ma oraha adonoka. Masara nako ai gahe gea itigioka, de ma oraha gea ahao naga o nyawa abe yatobaniiki dika to ona ma hirete manga hininga ma hafini ma dorouika. De ona gea ahao yoboaino de duru yomia-mia ma titi ko yongakua abe ahao nanga Baluhu woboali naa o duniauku.
ကြော်ငြာတွေ