Lukasa 20:27 - Ma Jou ai Demo-demo o Totobelohoka

²⁷ De ahao o nyawa yowoe-woeino de nagali o Saduki manga doomuino ma nyawa yoaguru yoboa o Yesusu ai himangino. De nako o Saduki ma nyawa ona o Yahudi ma nyawa o doomu moi abe yotobadotoko nako o nyawa yohonengoka de duru ko idadiua de yomomiki manga honengino gea.

Lukasa 20:27 ပူးပေါင်းရင်းမြစ်များ

Matiusu 16:1

De o wange moiuku de naga o nyawa utu o Farisi manga doomuino de naga utuoli o Saduki manga doomuino de ona yomakutuono yoboaino o Yesusino. De gea yoboaino angamoi manga hiningaka yoigo la ato iwitaili Unangika. Ho ona iwitemo ato, “Ngomi marai migahoko la o heheranga nomihimatoko mia himangoka naa la ka idadi miamake de mihioriki abe ani kuaha o Horogaka de auku eko koua.”

Matiusu 16:12

De gea ma bahauku de ahao iwinii-niiki yataoko itiai ai demo ma titi, abe Una ko wahitiariua ma titi o ragi eko o roti. Masara tanu wahitiari onangika ma titi o Farisi ma nyawa de o Saduki ma nyawa manga rerehene ma dodotoko abe yatobadoto-dotoko o nyawa utuika. De gea manga rerehene ma dodotoko wohiketero de o ragi angamoi ngaro ma ragi ka ma hohutulu dika ma gea ka idadi ma tarigu ihifero mata-mataika. De hokogenangoo o rerehene ma dodotoko ka idadi yahirehene o nyawa ko manga ngoe Ma Jouino.

Matiusu 16:6

De ahao o Yesusu wahitiari onangika ma titi o nyawa manga dodotoko wato, “Ngini kiani nihidodiai o Farisi manga doomuino ma nyawa manga ragi de o Saduki manga doomuino ma nyawa manga ragioo kiani nihidodiai.”

Hidingoto 5:17

De ipahaino de o Isiraele manga hidemo ma nyawa Ma Jouika wokokurutiye una woihenino abe ma titi ma heheranga abe o hidingoto ma nyawa yotobadiai. Ho una de ai dodiawo, abe ona o Saduki manga doomuino ma nyawa, ona duru yalufungu de manga daleana.

1 Korintusu 15:12

Masara abeika nanga kangela naa. Ngomi miahingahu-ngahu abe o Kristusu, Una womomikoka ai lungunino. Masara naga yamuruono naga nginioka abe bari yotemo-temo ato nako hiadono o nyawa yohonengoka de duru ko idadiokaua yomomikoli manga honengino.