Lukasa 2:40 - Ma Jou ai Demo-demo o Totobelohoka

⁴⁰ De manga ngofaka o Yesusu wolamoko de ai buturungu ka idogo, de ai hininga aomanga de o sosawaro. De Ma Jou duru widora Unangika hiadono ka ihikaika wihiowa.

Lukasa 2:40 ပူးပေါင်းရင်းမြစ်များ

Higiriiri 22:9

De masara ngohi duru tonihioriki Ngona ahi Jou nohiduhunu, Abe gea Ngona nohihihupu ngohi meme ami ngofaka ma ngiino, De Ngona nohigoana ka hiadono ko moiua la ihidaene ma dorou, Hiadono tososanangi dika tohuhu ngohi meme ami huhuino.

Lukasa 1:80

De o Sakaria ai ngofaka o Yohanese gea ka ihikaika wofero ka hiadono wolamokoka. De to una ai hininga duru imakiniiki de to Ma Jou o Womaha ai hiningali. De o Yohanese gea ka ihikaika wogogere o tonaka ma kakaahaka. De ipahaino de adonoka ma oraha abe womulaenge wahingahu-ngahu Ma Jou ai Demo-demo ai gogianongoru o Isiraele ma nyawaika, angamoi una gea wodadi Ma Jou ai uru ma dodofanga.

Lukasa 2:47

De o nyawa abe yoihene to Una ai demoino ona mata-mata duru yokokiheranga ma titi to Una ai sosawaro de ai babaluhu ma demo ona yotobadoto-dotokika.

Lukasa 2:52

De ipahaino o Yesusu ai gurutiye ka idogohi de ai sosawaro enangoo ka idogo-dogo. De Ma Jou duru widosanangi Unangika, de o nyawa mata-mata abe iwihioriki onangoo iwisanangi Unangika.

Yohanese 1:14

O Demo Una womahidadioka o nyawa la gea ka idadi wogogere ngone o nyawa nanga hidogoronaka. De ngomi abe wiwinii-niiki miamakeokau ai medebini ma dararono. De ka Ma Jou o Babaino dika wamake ai medebini ma dararono gea. Una Ma Jou ai Ngofaka womatengoka ho duru ai hiningaka iwiomangoka o dora ma ngango de mata-mata wodiai gea inahimatoko Ma Jou ai hininga ma gou-goungu.

Hidingoto 4:33

De ona abe o hidingoto ma nyawa, ona ka ihikaika yoade-ade de duru yahigaro o nyawaika ma titi nanga Baluhu idodutu o Yesusu ai momomiki, de manga demo gea duru de ma buturungoka. De Ma Jou ai hiowa ma amoko imanoa onangoka mata-mata.

Efesusu 6:10

De naa ahi gogianongoru, ahi dodotoko moiokahi naa abe ahi huratoka tato tinihingahu nginika. De gea ngini kiani ka ihikaika nimahiputurungu nanga Baluhu idodutuika de to Una ai kuahaino abe duru kohabuturungu ai kuaha gea.

2 Timotiusu 2:1

Ho naa ahi ngofaka, ngohi duru toigo la ngona ufa nomaaduru abe hoka onangoli yorehe-rehenoka gea, masara kiani nomaaduru abe hoka ngomioli abe ko mirehe-rehenua ma gou-goungino. De gea kiani ani hininga ma buturungu namake ka nanga Baluhino dika la wonihiputurungu hiadono inimagawe nileleani Unangika. De gea ai buturungu ka wonahidoaka dika ngoneino ma titi nanga gogere o Yesusu Kristusoka.

Hihira 13:24

De ipahaino de idadi duru hoka Ma Jou wahingahuoka abe muna momagerewoto o ngofaka o nauru. De manga ngofaka gea iwihiromanga o Simsono. De una wofero irahai abe Ma Jou o Yawe wihiowa ai wowangoka ka hiadono wobaluhiye.

1 Samuele 2:18

De ma oraha gea o Samuele, ngaro una ka o ngofakohi masara ka ihikaika wileleani Ma Jou o Yawe ai Tauoka. De una wapake o baju yodiai o lawe ma alu-aluhino abe enangoo yomadingakoka Ma Jouika. De o baju gea ma romanga o efodo abe ma rupa imaketero hoka ona o hidemo Ma Jouika yapake.

1 Samuele 2:21

De Ma Jou o Yawe wigihene, abe o Eli ai hiowa ma gogahoko gea, de womihidoaka o ngo Hanaika ami ngofaka o nauru yahangeoli de ami ngofaka o ngofeka yahinooto. De ami ngofaka o Samuele ka ihikaika wofero de wolamoko Ma Jou o Yawe ai himangoka.

1 Samuele 2:26

Masara imakawalimi de o ngofaka o Samuele angamoi ma oraha wobaluhiye de ka ihikaika Ma Jou o Yawe wisanangi unangika de o nyawaoo manga sanangi unangika enangoo ka idogo-dogo.

1 Samuele 3:19

De ipahaino o Samuele ai gurutiye ka idogohi ka hiadono wobaluhiye, de ka ihikaika Ma Jou o Yawe naga widuhunu unangika. Abe Ma Jou wohiaturu la to Una ai hingahu ma demo mata-mata abe o Samuele wohidemo ahao idadi duru imakadaene de abe wotemoka.