Lukasa 2:36 - Ma Jou ai Demo-demo o Totobelohoka

^36-37 De nagali o ngofeka mofao momatengo genangoka ami romanga o ngo Hana abe ami baba o Fanuele. De ona o tau moi o Asere ai totoforauku. De muna gea duru imiperekioka abe ami ngumuru adonoka ami taongo moritufange de iata. Ma dihiraino muna de ami rokata yoilakino manga taongo tumidino dika ma dekana de ahao ami rokata una wohonengoka. Ho muna mofao duru ma dekana de ka ihikaika mogogere Ma Jou ai Tauoka de mitobaleleani Unangika. Abe o futu de o wange ka ihikaika mihigiriiri Ma Jou abe momatobaniata de motobapuaha la ami hininga ma dumutu duru ka Ma Jouika dika. De o ngo Hana gea munangoo Ma Jou womihiakunu la ka idadi mohidemo to Una ai demo-demo.

Lukasa 2:36 ပူးပေါင်းရင်းမြစ်များ

Dodadi 30:13

De o ngo Lea motemo mato, “Ngohi duru tososanangi naa! De o ngo-ngofeka utu ahao ka ihikaika ihihidaere ngohino ato, ‘Muna duru mososanangi.’” Hokogea ami hininga o ngo Lea hiadono o ngofaka gea mihiromanga, “o Sosanangi” abe to ona manga demo, “o Asere.”

2 Kokoano 22:14

Ho o Hilikia, abe manga hidemo Ma Jouika, de o Ahikama, o Akaboro, o Safana, de o Asaya ona yoiki o kapongo ma hungika abe naga o Yerusaleeme ma kota ma goronaka la ka idadi imitutumu momatengo Ma Jou ai uru ma dodofanga abe ami romanga o ngo Huda. Ona yolingiri Ma Jou ai hingahu onangika de ato, “Marai muna ka idadi monaduhunu.” O ngo Huda gea o Salumu ngoi fekata de to una ai baba o Tikawa de to unangoli ai baba o Harasa abe una wohiaturu manga pakeanga abe ona yotobaleleani Ma Jou ai Tauoka.

Huhupu 15:20

Ho ka de yamake gea Ma Jou wodiaioka de o Harunu de o Musa manga biranga idodutu o ngo Miriama munangoo mihigiriiri Ma Jouika abe Una womihiakunu la muna modadi ai uru ma dodofanga. De manga gogereenge o ngo Miriama magoraka de momulaenge mohiboha-boha ami giamika de mahihira-hira o ngo-ngofeka de manga sanangi ihiboha-boha manga gogereenge de ihiselo-selo la iwihigiriiri Ma Jouika.

Lukasa 2:35

Ho abe o nyawa utu iwidafongo irahai de utuoli iwioluku Unangika, mangale ma titi manga putuhu gea hiadono ona ma hirete yomahimatoko abe hokokia itagi manga borihiningaka.” De o Simeono wogila-gila womihingahu munangika wato, “De ahao abe ma oraha ona yodiai itorou ani ngofakika naa de gea ngonaoo namao ani kangela abe imaketero hoka ani hininga atopoko de o humaranga abe ma doto arihononga.” Hokogea o Simeono womihingahu o ngo Mariaika.

Lukasa 2:38

Ho duru ma oraha gea o ngo Hana naga Ma Jou ai Tau ma loaka de ahao munangoli moboaino. Ho ma oraha o Yesusu mimake de munangoo duru motarimakase Ma Jouiye mangale ma titi Ma Jou ai Behehongo wihidingotoka. De ahao muna moade-ade de mahingahu-ngahu o Isiraele ma nyawa mata-mataika genangoka abe onangoo iwingano-nganono manga Koano abe Ma Jou wahibehehongoka la waduhunu onangika. De gea mahingahu onangika ma titi o Yusupu de o ngo Maria manga ngofaka o Yesusu. De ona gea manga hiningaka de yongano-nganono abe manga kota o Yerusaleeme enangoo Una ahao wahihupu o nyawa manga giamino abe yahipareta onangika. Ho ma wangeoka gea de imahikaika de o ngo Hana matobahingahu-ngahu o nyawaika ma titi o Yesusu.

Hidingoto 2:18

De ma oraha gea ahao to Ngohi ahi Womaha tahikokodoku ona mata-mataika abe ihitobaleleani Ngohino, ngaro o nau-nauru eko o ngo-ngofeka, la ona ka idadi adofanga to Ngohi ahi hingahu ma demo nginika.

Hidingoto 21:9

De o Filipusu naga ngoi ora yaruata abe ona ko yoilakuahi, de ona mata-mata yatobalufungu de Ma Jou o Womaha la ka idadi Ma Jou ai hingahu ma demo yahingahu-ngahu o nyawaika.

1 Korintusu 11:5

Masara nako o ngofeka momatengo de naga momaniata Ma Jouiye eko mahingahu o nyawaika o hingahu ma demo Ma Jouoka de aino, gea imakohowono. Momatengo gea kiani naga ami dadamunu ami peaka. De nako ami pea ko matamunua, gea muna duru mihimaleke to muna ami haekika, de gea ami rokatika. Abe nako ko iwa ami dadamunu, gea o himaleke ma dodunguu ma amoko de duru imaketero hoka ona o ngo-ngofeka yomatobafukunu manga badanga abe ona gea manga pea aborongkoka.

1 Korintusu 12:1

De, ahi gogianongoru, naa marai ma titi moioli topaluhu abe nengokadau ngini nihileha ngohino. Abe nia leleha gea ma titi o nyawa manga hiakunu abe ko o nyawakaua de aino iboa, ma titi ena gea ngohi duru toigo la ngini nihioriki itiai.

1 Timotiusu 3:2

Masara ona gea kiani o nyawa abe manga wowangoka ko iwa manga datoro la hiadono o nyawa utu ka idadi yatae-tae onangika. Abe una duga-duga ngoi fekata ka momatengo dika. De kiani una ka wakunu womatongohono, de kiani ai hininga ma totiai iwihihira-hira, de kiani o nyawa utu naga iwihayanga unangika, de nako hiadono o nyawa iwirekata unangika, gea kiani wadafongo de wao irahai abe iwirekatino. De una kiani naga ai hiakunu la o nyawaika wadotoko.

1 Timotiusu 5:9

De abe ma titi o ngo-ngofeka o bao-bao nginioka abe ngini o gareja moi niahikarajaanga de abe ona gea yamake manga leleani ma balaha o garejaka de aino, marai hokonaa ma hiaturu la ka idadi manga romanga nitulihi ma bukuku. Muna gea kiani ami ngumuru ami taongo moributaanga de imahikaiye. Abe nako ami ngumuru ko adonuahi ami taongo moributaanga, gea ko idadiuahi ami romanga gea nitulihuku, ho ko idadiuahi ma leleani gea ena magoraka. De naa ma hiaturu moioli naga, abe kiani o bao-bao abe yahiromanga ato, “Muna duru magou-goungu ami rokatika.”

Hihira 4:4

De ma oraha gea naga o ngofeka ami romanga o ngo Debora abe Ma Jou womihiakunu la modadi Ma Jou ai uru ma dodofanga momatengo, de munangoo modadi o Isiraele ma nyawa manga hihira. De to muna ami rokata naga de ai romanga o Lapidoto.

1 Samuele 1:2

De o Ekana gea ngoi fekata yahinooto de manga romanga o ngo Hana de o ngo Penina. O ngo Penina naga o ngofa-ngofaka masara o ngo Hana ami ngofaka ko iwa.