Lukasa 19:8 - Ma Jou ai Demo-demo o Totobelohoka

⁸ De ipahaino abe o Sakeusu ai tau ma goronaka de una womaokoino de wotemo nanga Baluhu idodutuika wato, “Ahi Baluhu, togahoko la notoihene ahi demoino naa. Angamoi ngohi ahao ahi kiahonanga mata-mata taregu hinooto, de gea ma regu moi ahao tahidoaka o hu-huha ma nyawaika. De onagona dika abe ma dihirainohi de tarusi-rusioka ma titi manga pajaka ma tiwi, gea ahao taturuuru ma iata onangika. Abe nako o tiwi ma se-senge amomoiika tarusioka, gea ahao ma se-senge o gahumu iata tahigilio onangika!”

Lukasa 19:8 ပူးပေါင်းရင်းမြစ်များ

2 Samuele 12:6

De una naa kiani duru o domba ma beka gea waturuuru de o domba ma gahumu iata de angamoi hokogea wodiai itorou de angamoi ai dora ma hiokoo ko iwa unangoka hiadono ko wamaoua ai huha abe wihikangela gea.” Hokogea o Dautu ai demo ma ngamo o Natanika.

Huhupu 20:16

“Ngini ko idadiua o nyawa niadofa-dofanga de niahiade-ade itorou.”

Sosawaro 6:31

Masara nako una gea iwitaoko de iwihitaana abe wotohiki gea kiani wohigilio ma tumidi onangika abe wadohikoka. De ai hohowono hokogea kiani wofangu de nako ko wakunua wofangu ma tumidi de ka idadi iwiribuutu la ai kiahonanga mata-mata wafukunu iti ai howono ma bobangu wohingodumu.

Lukasa 11:41

Ho koaho ti ngini nia hiningaino gea de o hu-huha ma nyawaika ngini niaduhunu. De nako hokogea nidiai, gea de ahao ngini duru nitebinoka abe nia poretino de nia goronakaoo!”

Lukasa 12:33

“Ho ngini naa ka idadi nia kiahonanga niafukunu dika de ahao abe ma tiwi gea niahikodoku o hu-huha ma nyawaika. La nia datorino gea de ngini ka idadi hoka nimahidailako nia kaya abe duru itongohono ka hiado-adonika. Angamoi nia utumu o Horogaka gea ko iwa yotobatohi-tohiki abe ka idadi inidohiki, de ko idadiua o goguhu yaolomo, ho nia utumu gea duru itongohono ka hiado-adonika.

Lukasa 16:9

Masara naa ngohi tinihigaro tato irahai ngini niapake o dunia ma kiahonanga de o tiwi la genangino de niahiutumu onangika abe ko iwingakuahi Ma Jouika la ahao marai ona ka idadi iwingaku Unangika. De ahao ma oraha dokengika abe ko niapakeokaua o tiwi de ma nyawa abe niaduhunoka Ma Jouika ka idadi inidafongo irahai ma oraha nimahiadono daku o Horogaiye de nimakamakeoli!”

Lukasa 19:7

Masara ona abe yamake, ona mata-mata iwihigurubungu ma titi o Yesusu ato, “Abeika Una gea winiikoka o tobahowo-howono ma nyawa la womahiaini ai tau ma goronaka!”

Lukasa 7:13

Ho ka de o Yesusu womimake o ngo bao gea de ai hiningaka duru iwilufungu de o dora ma hiokoo ho woiki munangika de womitemo wato, “Ibootohi noari.”

Lukasa 7:19

De wahokino de wahibehehongo wato, “Ngini kiani niloiki niwitutumu o Yesusu de niwileha Unangika niato, ‘Sarakia, Ngona naa nagou-goungu to ngomi mia Behehongo abe ma dodihiraino de Ma Jou womihibehehongoka? Eko koaho womatengoli ngomi wiwilingiri abe Una wodadi mia Behehongo Ma Jouino?’”

1 Samuele 12:3

De ngohi naa duru Ma Jou o Yawe ai himangoka de o Saulu ai himangoka, abe Ma Jou wihitunguuoka wihidadi ti ngini nia koano, de naga abe ngohi tinileha ngini mata-mataika. Sarakia, naga o nyawa nginioka abe tinidohiki hiadono nia hapi eko nia keledai tomale? Eko naga nginioka abe niato ngohi tinirusi? Eko naga nginioka abe niato ngohi tiniribuutu de ma dubuho? Eko naga ma oraha tinitailako nia howono de todafongo o hewaino ma tiwi la gea taniiki to ona dika manga mau? Ma oraha naa de ka idadi nihihingahu ngohino ahi howono o kia dika abe niamakeoka de tahowonoka. De ngohi tomahidiaioka la ma howono gea tomangaku de tohitiai ahi howono nginika hiadono nisanangioka.” Hokogea o Samuele ai leleha ona mata-mataika.