Lukasa 19:5 - Ma Jou ai Demo-demo o Totobelohoka

⁵ De o Yesusu womahiadono ma gota ma timiuku de widomatagaiye o Sakeusiye de wato, “Sakeusu, ngona nomataiti noutiuku naanguku la homakiniiki to ngona ani tauika, angamoi o wange naa kiani totuluohi jai-jai to ngona ani tauoka.”

Lukasa 19:5 ပူးပေါင်းရင်းမြစ်များ

Tobadotoko 9:10

“O karajaanga o kia dika abe naga ani sosawaro de ani tobahioriki genangika de nako ngona nato nokarajaanga, gea nomagawe enangika de nodiai de ani buturungu ma gahumino. Tinihigaro hokogea angamoi ko itedekanua de ahao nomanoa yohone-honenge manga ngioka abe genangoka ko iwa o karajaanga, de ani hidee ma, enangoo ko iwaka, de ngaro ani sosawaro de ani tobahiorikoo ma, ko iwaka o lungunoka.”

Lukasa 19:10

De duru naa ena ma titi hiadono Ngohi naa o Nyawa ma Ngofaka toboa o Horogaka de tauku, la o nyawa abe yorehe-rehenoka Ma Jouino ona talingirohi de taduhunu manga howo-howonino. De duru gea ena abe idadi nenangoka, abe o Sakeusu ai howono aofioka Ma Jou ai himangoka.”

Lukasa 19:2

De naga womatengo genangoka abe wodadi o pajaka ma tiwi yotobagaho-gahoko manga hidimono. De una gea ai romanga o Sakeusu, de una duru wokaya.

Lukasa 19:4

Ho una wosoboka womapopaata o nyawa yowoe-woe manga himangoka abe naga ma ngekomoka gea o gota moi. De o Sakeusu una womajai-jai wodoa ma gotaiye la ka idadi wimake o Yesusu ma oraha woboa de witilakuru ai timiuku.

Lukasa 19:6

De ahao o Sakeusu una womataiti woutiuku de ona yomakiniiki to una ai tauika. De o Yesusu o Sakeusu widafongo irahai ai tauino duru de ai hininga de ma garagoka.

Yohanese 1:48

Ho gea woihene de o Natanele wileha o Yesusika wato, “Hobata, o kiaka homakamakeoka hiadono Ngona nato nohihioriki ngohi naa?” De o Yesusu wipaluhu unangika wato, “Gianongoru, kangano o Filipusu ko woniahokuahi de Ngohi tonimakeokau abe ngona o gota o gogilioro gea ma timiuku nomafofongika, nogogeruku.”

Yohanese 14:23

De o Yesusu wopaluhu unangika wato, “Onagona dika ihidora Ngohino gea ahi behehongoo ihingounu. Ho ona gea ahi Baba duru wadora de Una de Ngohi ahao miboa onangika de mimahidogogere onangoka homoi-homoioka.

2 Korintusu 6:1

De mangale Ma Jou womihitagongo ngomi la mimahikarajaanga moi de de Una, ho ngomioo duru miahigaro o nyawaika imaketero hoka Una ma hirete wahigaro onangika. De gea miahigaro o nyawaika miato, “Ufa hiadono ngini niihene dika Ma Jou ai hininga ma owa ma hingahuika de ipaha ahao niaoluku enangika. Angamoi gea ahao imaketero hoka Ma Jou ai hininga ma owa parahaja dika nginika.”

Efesusu 3:17

De gea tinigahoko la o Kristusu ka idadi womanoa ngini homoi-homoi nia hiningaka ma titi nia ngongakuino, de abe tato la ngini nia ngongaku utuohi idogo Unangika, la utuohi nimaketebiaha de Una nia borihiningaka. De gea ngohi toigo la ngini duru nimahingutukuku Ma Jou ai dorauku la ufa genangoka de nikelu-kelu.

Ibarani 13:2

Abe nako naga o nyawa yoboa manga gurutoka de aino de ona yotulu nia tauino, ona gea ufa niaoluku masara ka idadi niadafongo nia tauino la yomahidodogumu nginioka. De gea ufa niawohanga abe hokokia ma dodihiraino idadioka, abe o nyawa yadafongo manga tauino ona abe yotagi-tagi, masara gea ipahaino de ahao ona o tau ma dutu yahioriki ona gea abe yomahidodogumika gea tanu ko o nyawa biahaua masara o malaekata. Ho marai nginioo ahao niadafongo bote Ma Jou ai malaekata.

Himatoko 3:20

Abeika nitotoihene tomahiketero! Ngohi naga ti ngini nia tau homoi-homoi nia ngoranoka de tiniahoko tato towohama nia tau ma goronaika. De nako onagona dika yoihene ahi ilingi de gea ma ngorana ihibelenga, gea Ngohi towohamino la ona de Ngohi homakutuono holomo, abe gea ngone duru homaketedodiawo.”