Lukasa 19:25 - Ma Jou ai Demo-demo o Totobelohoka

²⁵ “De ona yotemo ato, ‘Mia baluhu, masara una gea ani tiwi unangoka o hidoku ngimoi ibooto! Marai koaho womatengoikali nihidoaka ani tiwi o hidoku moi gea.’”

Lukasa 19:25 ပူးပေါင်းရင်းမြစ်များ

2 Samuele 7:19

De ngaro hokogea masara ani behehongo ngohi de ahi tauino naga utuohi ma hohailoa abe ahao iboa ahi tauino dokengika to ngomi mia himangika. Abeika Ngona Ma Jou o Yawe abe mata-mataika igogere ani kuaha ma goronaka de nohihibehehongoka abe ahao idadi irahai ahi totoforauku abe yolape-lapeuku ka hiado-adonika. De toheranga abe ngaro ngohi o nyawa biaha dika de nohihimatoko ngohino to Ngona ani hidee ma behehongo gea!

Lukasa 16:2

Ho ai dutu abe wokaya-kaya wiahokino de witaere unangika wato, ‘Naa ma titi o kia hiadono toihenino o dadae ma demo abe ihidumutu ngonaika? Abe ona ato bari ngona naa ka naumo dika ahi tiwi! Ho naa tonihuloko la ngona nohiaturoka ahi tiwi ma gegetongo ma buku mata-mataika la ka idadi nohihingahu ahi tiwi hokokiahi ma oraha naa naga. De nako hiadono gea nohihingahuoka de ahao ani karajaanga ibooto ngohioka, ko idadiokaua naurusu to ngohi ahi tiwi.’”

Lukasa 19:24

“De ahao ma koano gea wahuloko ai nyawaika wato, ‘Nagoraka o huhuloko ma dorouino naa ahi tiwi o hidoku moi gea de nihidoaka unangikali abe naga de ai hidoku ngimoioka.’”

Lukasa 19:26

“Masara ma koano wotemo wato, ‘Koua! Kiani niwihidoaka unangika abe ma tiwi ilamoko unangoka. Angamoi onagona dika abe o tagongo moi tahidoakoka de gea manga tagongo yao irahai hiadono yamake ma utumu genangino abe ihihiutumu ngohino, onangika gea ka utuohi ilamoko ma utumu tohidogo. Masara nako o nyawa abe tahitagongoka moi onangika ma gea yao ko irahaiua hiadono ko kia-kiaua ma utumu yamake genangino de ngohioli ko tamakeua ma utumu onangino, gea ahao tagoraka onangino ma tagongo abe tahidoakoka. Abe ngaro ma hohutulu dika manga tagongo, ma gea tagoraka onangino.’”