Lukasa 19:18 - Ma Jou ai Demo-demo o Totobelohoka

¹⁸ “De ahao ai huhuloko womatengoli woboa de womahingahu wato, ‘Ahi baluhu, ma dihiraino de nohihidoaka ngohino ani tiwi o hidoku moi. De tapake genangino de ma utumu tamake o hidoku iatoli idogo, ho naa ani tiwi o hidoku motoa tohigilioli ngonaika.’”

Lukasa 19:18 ပူးပေါင်းရင်းမြစ်များ

Matiusu 13:23

“Masara abe ma bibiti ipuraraha o tonaka ma rorahaiuku, gea imaketero hoka o nyawa abe yodafongo Ma Jou ai Demo-demo yagou-goungu. Ho to ona manga wowango imaketero hoka yadatomoka o tonaka ma rorahaiuku ho naga de ma hasiloka. Ho ona utu manga hasili ka yaowa ihofoko, de naga utu manga hasili iwoe, de ona utuoli duru ifoloiholi manga hasili abe hoka o datomo kohatohofoko.” De hokogea o Yesusu ai hiketero ma ade-ade ma hitararono onangika.

Matiusu 25:22

“De ahao ai duduhunu abe wamake o gurasi o popoje hinooto woboa unangino de womahingahu wato, ‘Ahi baluhu, ma dihiraino de nohihidoaka ngohino ani tiwi o popoje hinooto. De gea tapake de ma utumu tamake o popoje hinootoli, ho naa tonihigilio tonihidoaka ngonaika ani tiwi o gurasi o popoje iata.’

Maruku 4:20

Masara utu yoihene hoka o bibiti gea ipuraraha o tonaka ma rorahaiuku, ona gea yodafongo Ma Jou ai Demo-demo agou-goungu. Ho to ona manga wowango imaketero hoka yadatomoka o tonaka ma rorahaiuku ho de ma hasiloka. Ho ona utu manga hasili ka yaowa, de naga utu manga hasili iwoe, de ona utuoli duru ifoloiholi manga hasili hoka o datomo kohatohofoko.”

Lukasa 19:13

De ko wosobouahi de watoomuino ai huhuloko yangimoi de wahikokodoku o tiwi ona homoi-homoiika, abe ona homoi-homoi yamake o tiwi imaketero o nyawa manga karajaanga o wange o ratuhu moiino manga hewa. De gea wahikodoku onangika de wahitagongo wato, ‘Abe ma oraha ngohi ko ihiwa de ngini kiani nihipake to ngohi ahi tiwi naa la bote ka idadi idogoli ilamoko. De ahao ngohi toboali.’”

Lukasa 19:17

“De ai koano woihene ai demo de duru widosanangi ai huhulokika ho wato, ‘Duru irahai ani tagongo gea nao, de ngohi tosanangi abe ka idadi toningaku ngonaika ma titi ani karajaangino gea. De ngohi ma dihiraino de tonihitagongoka abe hatoli ma hohutulu dika ahi tiwino, de gea nodiai duru irahai. Ho naa utuohi iwoe ka idadi tonihitagongo ngonaika. Abe ka idadi ngona nohipareta o kapongo ngimoi!’”

Lukasa 19:19

“De ai koano woihene ai demo de duru wosanangi ho wato, ‘Duru irahai ani tagongo gea nao, de ngohi tosanangi abe ka idadi toningaku ngonaika ma titi ani karajaangino. Ho naa utuohi iwoe ka idadi tonihitagongo ngonaika. De ngona ka idadi nohipareta o kota motoa!’”

2 Korintusu 8:12

De nako hahidoaka de nanga hininga ma magawe, de gea ngaro ilamoko eko ihutulu masara nanga hidoaka gea ahao Ma Jou wodafongo de ai hininga ma sanangi. Abe Una ko wonganonua la hohidoaka ilamoko nako hamake ko ilamokua.