Lukasa 19:17 - Ma Jou ai Demo-demo o Totobelohoka

¹⁷ “De ai koano woihene ai demo de duru widosanangi ai huhulokika ho wato, ‘Duru irahai ani tagongo gea nao, de ngohi tosanangi abe ka idadi toningaku ngonaika ma titi ani karajaangino gea. De ngohi ma dihiraino de tonihitagongoka abe hatoli ma hohutulu dika ahi tiwino, de gea nodiai duru irahai. Ho naa utuohi iwoe ka idadi tonihitagongo ngonaika. Abe ka idadi ngona nohipareta o kapongo ngimoi!’”

Lukasa 19:17 ပူးပေါင်းရင်းမြစ်များ

Dodadi 39:4

Ho o Yusupu duru wihisanangi o Potifarika ma titi ai karajaanga duru wao irahai. De o Potifara wigoraka de wihidadi o hibaluhu moi ai tauoka abe duru de ai kuahaka. Ho gea idadioka to Yusupu ai tagongo mata-mataika ngaro o Potifara ai tau ma goronaka eko ai redioka, ma, gea to una ai kuahaka.

Matiusu 25:21

De ai dutu woihene ai demoika gea de duru widosanangi ai duduhunika ho wato, ‘Ani tagongo gea ngona duru nao irahai, de ngohi tosanangi abe ka idadi toningaku ngonaika ma titi ani karajaangino. De ngohi ma dihiraino de tonihitagongo abe hatoli ma hohutulu dika ahi tiwino, de gea nodiai duru irahai. Ho naa utuohi iwoe ka idadi tonihitagongo ngonaika. De ka idadi ngona de ngohi homakutuono hohirame-rame to ngone nanga utumu de hogogarago ma titi genangino!’”

Lukasa 16:10

De o Yesusu wogila-gila wadotoko wato, “De gea igoungu abe onagona dika yao itiai manga tagongo abe ma eteteke, onangoo gea yao itiai manga tagongo abe ilamoko. Masara onagona dika abe ngaro manga tagongo ma eteteke dika de yao ko itiaiua, onangoo ko idadiua yao itiai ma tagongo abe ilamoko.

Lukasa 19:16

De ai huhuloko wohira-hira woboaino de womahingahu wato, ‘Ahi baluhu, ma dihiraino de nohihidoakino ngohino ani tiwi o hidoku moi. De tapake genangino de ma utumu tamake o hidoku hiwoli idogo, ho naa ani tiwi o hidoku ngimoi tohigilio ngonaika.’”

Lukasa 19:18

“De ahao ai huhuloko womatengoli woboa de womahingahu wato, ‘Ahi baluhu, ma dihiraino de nohihidoaka ngohino ani tiwi o hidoku moi. De tapake genangino de ma utumu tamake o hidoku iatoli idogo, ho naa ani tiwi o hidoku motoa tohigilioli ngonaika.’”

Lukasa 22:30

De hongoli tinihidoaka la ahao dokengika gea de ngone ka idadi homakokutuono holomo ahi mejaka. De nagali abe ngini ahao niborigogeruku abe o kadera ma hohailoauku la niatailako de niatobauru-urusu o Isiraele ma nyawa manga doomu ngimoi de hinooto gea.”

1 Korintusu 4:5

Ho ngaro ufa ma oraha naa de ngini nimitailako ngomi naa, angamoi o hitailako ma oraha ko adonuahi. Masara koaho niodamaa dika hiadono nanga Baluhu idodutu woboali, angamoi ma oraha gea de ahao Una o kia dika agogonika o fufutuika, gea Una wale de wao ma dodawangeino. Abe ma oraha gea Una o nyawa manga hininga de manga hidee watailako de wahimatoko. De ahao o nyawa homoi-homoi yamake ma higiriiri Ma Jouino abe itiai yamake.

2 Timotiusu 2:10

Ho mangale ma titi gea ai Demo-demo ka ihikaika itagi de imahora o nyawa manga ngoe-ngoeika hiadono ngohi naa ngaro ihihikangela nenangoka ma gea ka idadi takunu tomatongohono dika. Abe ngaro ahi kangela o kia dika taohana masara tomatongohono de ahi hininga ma miriidi angamoi gea tohioriki abe ahao o nyawa manga ngoe yamake manga utumu ahi kangelaino. Abe naga Ma Jou ai nyawa manga ngoe abe Una woigo wato ahao ona yamake manga hiowa mata-mata Unangino ma titi manga gogao o Yesusu Kristusika. De gea hiadono ona ahao yogogere hoimoi Unangoka ai medebini ma dararono ma ngioka. De ai nyawa gea ka idadi Ma Jou wahiowa ma titi abe naa ihihikangela, ho ngohi duru ka tosanangi dika tomatongohono nenangoka.

1 Peturusu 1:7

De nia kangela gea naga de ma dumutu la ahao ma oraha nia baha adonoka de itararono abe nia ngongaku duru ireeika. Abe ma titi ngaro ma oraha naa de o kokangela nioborihimanga nia wowangoka, masara ko inihikalaua genangino. De nia dongohono gea inihitaana abe nia ngongaku duru ilaku nia hiningaka. De abe o kokangela yataili nia ngongakuika, gea ngade-ngade imaketero hoka o nyawa yataili o gurasi o ukuika. Angamoi ma bahauku abe ataili ipaha de duru itararono ma gurasi gea o gurasi dika ireeika. De hokogenangoo de ti ngini nia ngongaku abe o kangela ataili ipaha de itararono abe nia boringongaku ka ireeika dika de ko ikalaua. Masara nako o gurasi de ti ngini nia ngongaku, gea ka nia ngongakuohi abe duru ikurutiye Ma Jou ai himangoka. Abe nako o gurasi gea ika-ika de ahao ko iwaka ho ko itongohonua masara nako nia ngongaku hokogenangua, angamoi nia boringongaku gea itongohono ka hiado-adonika. De mangale ma titi nia ngongaku ireeika, gea ka idadi nihioriki abe nia utumu genangino ahao niamake ma oraha o Yesusu Kristusu womahimatokoli o dunia mata-mataika. De nia utumu gea naga o fara muruono ahao niamake. Abe naga moi, ahao inihigiriiri nginika, de nagaoo abe niamake ti ngini nia medebini ma dararono de nagali nia horomati abe niamake ma wangeoka gea. De nia utumu gea ma titi moioli hiadono koaho hihigiriiri Unangika.

1 Peturusu 5:4

De nako nia tagongo gea niao itiai, ahao ngini niamake ma hiowa moi duru kohaamoko o Kristusino. De Una ka idadi tihiromanga Unangika tato Una gea to ngone nanga domba ma gogoana abe ngaro ma gogoana mata-mataika masara ka Unangohi abe duru wokurutiye. De dokengika abe ma oraha Una womahimatokokali de ahao wonahikokodoku to Una ai medebini ma dararono ngone homoi-homoiino abe hagoana itiai to Una ai domba, abe ma titi to Una ai nyawa ngone hagoana. Abe ai dararono gea ena idadi nanga karajaangino ma hofoko. De ai medebini ma dararono gea ngoneoka duru ko ihihangua masara itobatongohono ka hiado-adonika ngoneoka. De gea ma titi hiadono ngohi tinihigaro nginika la niagoana de niapaliara itiai Ma Jou ai nyawa nia doomu homoi-homoioka.

1 Samuele 2:30

“Ngohi Ma Jou o Yawe, o Isiraele ma nyawa manga Jou de ma dihiraino tahibehehongo ani doomu ma famika, abe o Lewi ma dutuino, tato ahao ngini ka idadi nihileleani Ngohi ka hiado-adonika. Masara ko idadiokaua hokogea angamoi ahi behehongo gea ngini inihange naa niaolukoka! Ngohi de ahi horomati tomalega onangika abe manga horomati naga Ngohino. Masara ona abe ihiemono Ngohino, kiani Ngohioo taoluku ona gea.