Lukasa 18:5 - Ma Jou ai Demo-demo o Totobelohoka

⁵ Masara o bao naa muna duru mohitobaruwae ngohino, ho koaho tomiduhunu dika la o totiai ma hiowa mamake ahi putuhu ma demoino, de o nyawa gea ibootohi imihikangela. De naa tomataiti tomiduhunu done ahi hininga itoaka ma titi motobaboa ahi himangino de ami gogahoko ma demo ko itoa-toakua.’ Hokogea ma bahauku de una wotobauru-urusu womiduhunu o baoika gea abe momatobagahoko o duduhunu unangino.”

Lukasa 18:5 ပူးပေါင်းရင်းမြစ်များ

Matiusu 15:23

Masara ngaro hokogea muna momagaho-gahoko masara o Yesusu moioo de ko wopaluhua munangika. De gea ahao abe iwinii-niiki ona iwitemo o Yesusika ato koaho womihuloko la moikoka dika. Abe ona ato, “Ou! Muna naa monaruwaeoka ma titi ami gigoro angamoi ka ihikaika mogaho-gahoko Ngonaika. Ho koaho Ngona nomihuloko la monanoaika dika.”

Lukasa 11:8

Masara naa Ngohi tinihingahu nginika abe nako ngini nihigila-gila niwiaho-ahoko nia dodiawoika gea, ika-ika de ahao una womomiki de winihidoaka nginika nia perelu gea. De gea ko ma titiua winihidoaka ai hininga ma sanangioka de aino nginika, masara mangale ma titi ngini ko nimatogu-togumua nimagahoko, de gea ena ma titi hiadono ma bahauku de niamake.”

Lukasa 18:3

De ipahaino de naga momatengo o bao abe mogogere ma kotaka gea de o nyawa imihitobahikangela munangika. Ho muna migogilio una wotobauru-urusika de motobagahoko o duduhunu. Abe muna moigo la waurusu de woputuhu abe ona imihikokangela gea yahowono de wataere, la ibootohi imihikangela munangika.

Lukasa 18:39

De o nyawa abe yotagi-tagi o Yesusu ai himangoka iwitaere unangika ato, “Ufa nogigoro hokogea! Nomarii-riidoka dika!” Masara ka de hokogea de utuohi waamo-amokiye abe imaketero hoka ai demo ihira-hira wato, “O Dautu ai Toforauku, ngohi tomagahoko la ani dora ma hiokoo itagi ngohino naa!”

1 Korintusu 9:27

De gea ma titi hiadono ngohi ahi badanga naa duru tohipareta de tomaribuutu hiadono idadioka hoka o gilaongo. De igoungu ngohi o Abari ma Rorahai tahingahuoka o nyawa utuika la ona ahao ka idadi manga utumu yamake o Horogaka. Masara ngaro hokogea, ma, ngohi ahi wowangoka naa de kiani ka ihikaika ahi badanga tohipareta done torehene de ahao ahi wowango ma bahaika tomahiadono de ngohi ma hirete ko tamakeua ma utumu gea. De gea duru o hiokoo ma amoko nako hiadono idadioka abe ngini tinihingahu-ngahuoka ahao ma utumu niamake masara ngohi naa ko tamakeuali.

Hihira 16:16

Hokogea o ngo Delila o wange-wangeiye o Simsono miribuutu de ami hiona-ona ma demo hiadono duru wodebeturu ami hiona-onaika.