Lukasa 18:34 - Ma Jou ai Demo-demo o Totobelohoka

³⁴ Hokogea o Yesusu womahingahu onangika, masara to Una ai demo moioo de ko yataokua ma titi genangino. Abe imaketero hoka ai demo ma titi agogonokahi onangino la ko idadiuahi yomangaratii.

Lukasa 18:34 ပူးပေါင်းရင်းမြစ်များ

Maruku 9:32

Masara yangimoi de yahinooto gea ai demo ko yataokua, de ko yomoroinua iwileha ai demo ma titi.

Lukasa 18:33

De nagali abe iwihipoha-pohakahi de o hohonenge ma boboha, de ahao ma bahauku de iwihohonenge. De ngaro wohonengoka masara o wange hange dika ipahaika de womomikokali.”

Lukasa 2:50

Masara ai dimono ko yomangaratiiua to Una ai babaluhu ma demo onangika.

Lukasa 24:25

De o Yesusu wotemo onangika wato, “Ngini naa done totokia hiadono nia hininga ko ataokua de abe nia pea itogowini! Angamoi ka ikurangohi niataoko Ma Jou ai Demo-demo mata-mata abe ai uru ma dodofanga ihitulihuku ma titi nanga Mesia abe Una ma dodihiraino de wonahibehehongoka.

Lukasa 24:45

De ahao Una wafelenga manga hininga la ka idadi ona yataoko itiai Ma Jou ai Demo-demoino.

Lukasa 9:45

Masara ona abe iwitobaniiki gea ko yataokua ai demo ma titi, angamoi to ena ma titi ka atatokohi la ko idadiuahi yomangaratii. De ona ko yomoroinua la iwileha Unangika ai demo ma titi angamoi naga manga hawana.

Yohanese 10:6

Hokogea o Yesusu wohiketero la wahitararono abe Una hoka onangua abe yoboa yotobabudi. Masara o Yesusu ai hiketero gea ko yataokua ma titi.

Yohanese 12:16

Masara ma oraha abe mata-mata gea idadi de ona o Yesusu iwitobaniiki ko ihiorikuahi ma titi. Ahao o Yesusu womomikinoka ai lungunino de ai medebini ma dararono wamake o Horogaka de ahao ka idadi yataoko ma titi. Abe ona gea yomahohininga abe mata-mata gea idadi o Yesusika duru imaketero hoka ma dihirainohi itulihukuoka Ma Jou ai Demo-demoka.